“Ou Te Tatalo Ia Ona Faaaogaina i Tatou,” Mo le Malosi o le Autalavou, Nov. 2022.
Sauniga o le Afiafi o le Aso Toonai
Ou Te Tatalo Ia Ona Faaaogaina i Tatou
Vaega
O le Ekalesia a Iesu Keriso ua i lalo o le poloaiga paia e tausi ē matitiva. O se tasi lea o poutu o le galuega o le faaolataga ma le faaeaga. …
E tali atu le Ekalesia i lenei poloaiga i ni auala eseese, e aofia ai:
-
o le auaunaga tatou te faia e ala atu i le Aualofa, korama a le perisitua, ma vasega;
-
anapogi ma le faaaogaina o taulaga anapogi;
-
faatoaga ma fale teuapa o le uelefea;
-
nofoaga autu faafeiloai mo tagata malaga mai;
-
aapa atu mo i latou i le falepuipui;
-
taumafaiga o galuega alofa a le Ekalesia;
-
ma le polokalama JustServe, lea e faafetauia volenitia i avanoa e auauna atu ai.
… E ui e silia ma le 1,500 polōketi o le KOVITI-19 sa mautinoa lava o le taulaiga aupito tele lea o le toomaga a le Ekalesia i le 18 masina talu ai, ae sa tali atu foi le Ekalesia i le 933 o faalavelave faalenatura ma faafitauli o tagata sulufai i atunuu e 108. …
I le talanoa ai e uiga i taumafaiga o galuega alofa a le Ekalesia, sa saunoa ai Elder Jeffrey R. Holland i se tasi taimi: “E tali mai tatalo … i le tele o taimi … e ala i le faaaogaina e le Atua o isi tagata. Ia, ou te tatalo ia Ona faaaogaina i tatou” [“Neonatal Resuscitation with Elder Holland” (vitio), The Church of Jesus Christ of Latter-day Saints, Nov. 10, 2011, youtube.com]. …
Uso e ma tuagane, e ala i la outou auaunaga, foai, taimi, ma le alofa, ua avea ai outou ma tali i le tele o tatalo. Ae, e tele na’ua isi mea e fai. I le avea ai ma tagata ua papatisoina o le Ekalesia, ua noatia ai i tatou i se feagaiga e tausi i latou e lē tagolima. O a tatou taumafaiga taitoatasi e lē manaomia ai se tupe po o ni nofoaga mamao; latou te manaomia le taitaiga a le Agaga Paia ma se loto naunautai e fai atu i le Alii, “O A‘u lenei; auina atu a’u.” [Isaia 6:8].