“O Le Filemu o le Tagata Lava Ia i Taimi Faigata,” Mo Le Malosi o le Autalavou, Nov. 2022.
Sauniga o le Taeao o le Aso Sa
O Le Filemu o le Tagata Lava Ia i Taimi Faigata
Vaega
O le filemu i le lalolagi e le o folafola maia pe faamautinoa mai, seia aulia le Afio Mai Faalua o Iesu Keriso. …
Ae peitai, o le filemu o le tagata lava ia e mafai ona maua tusa lava pe i ai le ita, finauga, ma le fevaevaeai lea o loo pagatia ma faatama’ia ai lo tatou lalolagi i ona po nei. E lei i ai se taimi muamua na sili ona taua ai le sailia o le filemu o le tagata lava ia. …
E ui o le a tatou le malolo lava mai a tatou taumafaiga ia ausia le filemu lautele, ae ua faamautinoa mai e mafai ona tatou maua le filemu o le tagata lava ia e pei ona aoao mai Keriso. O loo faamatala mai lenei mataupu faavae i le Mataupu Faavae ma Feagaiga: “Ae ia iloa o ia o lē e faia galuega o le amiotonu o le a maua lona taui, o le filemu lea i le lalolagi lenei ma le ola e faavavau i le lalolagi a sau.” [Mataupu Faavae ma Feagaiga 59:23].
O a nisi o “galuega o le amiotonu” o le a fesoasoani ia i tatou e taulima ai fevaevaeaiga ma faaitiitia ai finauga ma maua ai le filemu i lenei lalolagi? O aoaoga uma a Keriso e faasino i le itu lea. O le a ou ta’ua ni nai mea ou te talitonu e faapitoa le taua.
Muamua: Alofa i le Atua, Ola i Ana Poloaiga, ma Faamagalo Atu i Tagata Uma …
Lona Lua: Saili Fua o le Agaga …
Lona Tolu: Faaaoga le Faitalia e Filifili ai le Amiotonu …
Lona fa: Fausia Siona i o Tatou Loto ma Aiga …
Lona lima: Mulimuli i Apoapoaiga Talu Ai Nei a Lo Tatou Perofeta …
Ou te tautino atu ma tuu atu la’u molimau patino faa-aposetolo o Iesu Keriso, le Faaola ma le Togiola o le lalolagi, o loo ta’ita’ia ma faatonufolauina Lana Ekalesia toefuataiina. O Lona soifua ma le misiona togiola o punavai moni o le filemu. O Ia o le “Alii o le Filemu.”