“O Mea o Lo‘u Agaga,” Mo le Malosi o le Autalavou, Nov. 2022.
Sauniga o le Aoauli o le Aso Toonai
O Mea o Lo‘u Agaga
Vaega
E tele ina fesili mai le autalavou ia te a’u pe o a mea ou te talitonu i ai ma pe aisea foi ou te talitonu ai. …
Pe mafai ona ou faasoa atu nisi o mea o lo’u agaga? O nei mea e faatatau ia i latou uma o ē saili ia avea ma soo moni o Iesu Keriso. …
Muamua, alofa i le Atua le Tama ma Iesu Keriso, lo tatou Faaola. …
Lua, “Ia e alofa atu i le lua te tuaoi” [Mataio 22:39].
Lona tolu, alofa ia te oe lava.
O i e tauivi ai le toatele. Pe le o se mea uiga ese le faapea o le alofa ia i tatou lava e foliga e faigofie lava ona itiiti nai lo le alofa i isi? Ae, ua fetalai mai le Alii, “Alofa i lou tuaoi e pei o oe lava.” [Mataio 22:39]. Na te faatauaina le paia faale-Atua i totonu o i tatou, ma e tatau foi ia i tatou. Pe a oo ina tatou mafatia i sese, lototiga, lagona o le lē agavaa, lē fiafia, ita, po o le agasala, o le mana o le Togiola a le Faaola, e ala i le mamanu faalelagi, o se tasi lea o mea na te siitiaina le agaga.
Lona fa, tausi poloaiga. …
Lona lima, Ia agavaa i taimi uma e auai i le malumalu. …
Lona ono, ia olioli ma fiafia. …
Lona fitu, mulimuli i le perofeta soifua a le Atua.
Atonu o le lona fitu lea i la’u lisi o mea, ae o loo pito i luga o lo’u mafaufau e tusa ma lona taua i le taimi nei.
Ua i ai se perofeta a le Atua i le lalolagi i ona po nei! Aua lava nei galo le uiga o lena mea ia te oe. …
. …Ou te valaaulia outou ia faailoa lau lava valu, iva, ma le sefulu. Mafaufau i auala e mafai ona e faasoa atu i isi au “mea” mai lou loto ma fautuaina i latou ia tatalo, manatunatu loloto, ma saili le taitaiga a le Alii.