“O Le Alofa o le Atua: O Le Sili Ona Olioli i le Agaga,” Mo le Malosi o le Autalavou, Nov. 2022.
Sauniga o le Aoauli o le Aso Toonai
O Le Alofa o le Atua: E Silisili Ona Olioli i le Agaga
Vaega
E mafai ona tatou vaai faalemafaufau i le alofa o le Atua o se malamalama o loo susulu mai le laau o le ola, ma faamaligiina o ia lava i le salafa o le lalolagi atoa i loto o le fanauga a tagata. O le malamalama ma le alofa o le Atua ua faatumulia ai Ana foafoaga uma.
O nisi taimi tatou te mafaufau sese ai faapea e na o le alofa lava o le Atua e mafai ona tatou lagonaina pe a uma ona tatou mulimuli i le āi u’amea ma ‘a’ai i le fua. Peitai, o le alofa o le Atua, e le gata ina taliaina e i latou o ē o mai i le laau ae o le mana tonu lava lea e faaosofia ai i tatou e saili lena laau. …
E lē maua le alofa o le Atua i tulaga o tatou olaga, ae i Lona i ai i o tatou olaga. Tatou te iloa Lona alofa pe a tatou maua le malosi e sili atu nai lo o tatou lava malosi ma pe a aumaia e Lona Agaga le filemu, mafanafana, ma le taitaiga. E i ai taimi atonu e faigata ai ona lagona Lona alofa. E mafai ona tatou tatalo ia pupula o tatou mata e vaai i Lona aao i o tatou olaga ma vaai i Lona alofa i le matagofie o Ana foafoaga.
A o tatou mafaufau loloto i le soifuaga ma le taulaga lē i’u ma faavavau a le Faaola, o le a tatou mafai ona amata malamalama i Lona alofa mo i tatou. …
Ou te molimau atu e moni lava na maliu lo tatou Alii ma le Faaola mo i tatou taitoatasi. O se faailoaga o Lona alofa e lē i’u mo i tatou ma mo Lona Tama. …
Tau ina ia tatala o tatou loto ina ia maua le alofa mamā o loo i ai i le Atua mo i tatou ona faamaligi mai lea o Lona alofa i mea uma tatou te faia ma i ai.