2021
O Le Filemu o Keriso e Faaumatia ai le Feitaga’i
Novema 2021


“O Le Filemu o Keriso e Faaumatia ai le Feitaga’i,” Mo le Malosi o le Autalavou, Nov. 2022.

Sauniga o le Taeao o le Aso Sa

O Le Filemu o Keriso e Faaumatia ai le Feitaga’i

Vaega

Ata
auvaa alo

Sa faamalamalama mai e Iesu Keriso e faapea o Lana mataupu e “le o le faaoso o loto o tagata i le ita, o le tasi e faasaga i le isi; ae o [Lana] mataupu [o le] aveesea o mea faapena.” [3 Nifae 11:28-30]. …

Ina ua mavae le asiasiga a le Faaola i Amerika, sa lotogatasi tagata. … Sa le’i taua o latou eseesega pe a faatusatusa i lo latou alofa fefaasoaa’i i le Faaola, ma sa latou lotogatasi o ni “suli i le malo o le Atua.” [4 Nifae 1:17]. O le taunuuga “sa le mafai ona i ai o ni tagata e sili atu ona fiafia … na foafoa e le aao o le Atua.” [4 Nifae 1:16].

O le lotogatasi e manaomia ai le taumafaiga. E atiaeina pe a tatou faafaileleina le alofa o le Atua i o tatou lotoma tatou taulai atu i lo tatou taunuuga e faavavau. Tatou te lotogatasi i lo tatou uluai faasinomaga autu o ni fanau a le Atuama lo tatou tuuto atu i upumoni o le talalelei toefuataiina. O lo tatou alolofa i le Atua ma le avea o i tatou ma soo o Iesu Keriso, e faaosofia ai le popole moni mo isi. …

Pe a siomia o tatou olaga i le alofa o Keriso, tatou te taulimaina feeseeseaiga ma le agamalu, onosai, ma le agalelei. E tuuitiitia lo tatou popole i o tatou lava lagona ma’ale’ale ae tele atu le popole mo o tatou tuaoi. Tatou te saili ia masuigamalie ma ia lotogatasi. Tatou te lē auai i le “faamasinoina o masalosaloga,” faamasino i latou tatou te lē ioe i o latou manatu, pe taumafai foi e fai se mea ia latou tautevateva ai. Ae, tatou te manatu faapea o i latou e eseese o tatou manatu o loo faia le mea sili latou te mafaia i aafiaga o le olaga latou te oo i ai. …

. …O la’u valaaulia o le ia lotototoa i le faamuamuaina o lo tatou alofa i le Atua ma le avea ai ma soo o le Faaola i lo isi mafaufauga uma. Ia tatou tausia le feagaiga o loo i ai i totonu o lo tatou avea ma ni soo—le feagaiga ia tasi.

Lolomi