“O Le Igoa o le Ekalesia E Lē Fetuuna’ia,” Mo Le Malosi o le Autalavou, Nov. 2022.
Sauniga o le Afiafi o le Aso Sa
O Le Igoa o le Ekalesia E Lē Fetuuna’ia
Vaega
I se fonotaga ma le au faasalalau i le aso 16 Aokuso, 2018, na saunoa ai Peresitene Russell M. Nelson: “Sa uunaia e le Alii i lo’u mafaufau le taua o le igoa na Ia faaalia mo Lana Ekalesia, e oo lava i Le Ekalesia a Iesu Keriso o le Au Paia o Aso e Gata Ai. [“The Name of the Church,” Aug. 16, 2018, newsroom.ChurchofJesusChrist.org]. …
Sa tulai mai se fesili lelei: Aisea [ua faamalosia ai] i le taimi nei ae ua fiasefulu tausaga o tatou taliaina le igoavalaau o “Mamona”? “O Le Aufaipese a le Tapeneko Mamona,” o vitio pupuu “O A’u o se Mamona,” o le pese a le Peraimeri “O A’u o se Tamaitiiti Mamona”?
O le aoaoga faavae a Keriso e lē māsuia ma e faavavau. Ae, ua faaalia mai laasaga patino ma le taua o le galuega a le Faaola i o latou taimi talafeagai. …
Matou te faafetai atu mo a outou taumafaiga malualii e faalauiloa le faaaogaina o le igoa moni o le Ekalesia. …
O le tosinaga a le Alii na faalauteleina ai a matou taumafaiga e iloilo ia igoa ua loa ona faapipii i le Ekalesia. …
E afe ma afe le Au Paia o Aso e Gata Ai o ē folafola atu ma le lototoa le igoa o le Ekalesia. A tatou faia la tatou vaega, o le a mulimuli mai ai foi ma isi. …
“O le igoa o le Ekalesia e lē fetuuna’ia.” Ia tatou agai i luma i le faatuatua. Pe a tatou mulimuli ma le naunautai i le fautuaga a le Alii e pei ona faaalia mai e ala mai i Lana perofeta soifua, aemaise lava pe afai e feteenai ma o tatou uluai mafaufauga, e manaomia ai le lotomaualalo ma le ositaulaga, e faamanuiaina i tatou e le Alii i se mana faaopoopo faaleagaga ma auina mai Ana agelu e lagolago i tatou ma tutu i o tatou tafatafa. Tatou te maua le faamautinoaga a le Alii ma Lana faamaoniga.