“Pe Sili Mai Lou Alofa ia te Au i O Latou Nei?,” Mo le Malosi o le Autalavou, Nov. 2022.
Sauniga o le Afiafi o le Aso Toonai
“Pe Sili Mai Lou Alofa Ia Te Au i O Latou Nei?”
Vaega
Pe o tou taumafaufau i le mea na faasino i ai e Iesu Lana fesili ia Peteru, “Pe sili mai lou alofa ia te au i o latou nei?” [Ioane 21:15]. …
Pe aumaia e mea o lenei lalolagi ia i tatou le olioli, fiafia, ma le filemu lea na ofo mai e le Faaola i Ona soo ma ua Ia ofoina mai foi ia i tatou? Ua na o Ia lava e mafai ona aumaia ia i tatou le olioli moni, fiafia, ma le filemu e ala i lo tatou alolofa atu ia te Ia ma mulimuli i Ana a’oa’oga. …
Pe a oo ina tatou iloa se uiga atoatoa o lenei fesili, e mafai ona avea i tatou ma tagata lelei atu o aiga, tuaoi, tagatanuu, tagata o le Ekalesia, ma atalii ma afafine o le Atua. …
. …Ua alofa tele le Tama Faalelagi ia i tatou ua Ia saunia ai Lana fuafuaga o le faaolataga ma se Faaola o le tagata autu lea. …
. …E manaomia ona tatou talitonu ia Iesu ma i le fuafuaga o le fiafia a le Atua. Ia talitonu o le alofa lea ma mulimuli i lo tatou Faaola ma tausi poloaiga, tusa lava pe i ai i le lotolotoi o tofotofoga ma feteenaiga. …
E le mafai ona tatou lafoaia lo tatou alolofa ma le faamoemoe ia Iesu, tusa lava pe tatou te fetaiai ma luitau e lofituina tele. O le a lē faagaloina lava i tatou e le Tama Faalelagi ma Iesu. La te alolofa ia i tatou. …
E tatau ona tatou manatua i taimi uma o lo tatou fiafia moni e faalagolago i la tatou mafutaga ma le Atua, ma Iesu Keriso, faapea ma le tasi ma le isi.
O se tasi auala e faapupula atu ai lo tatou alofa o le auai faatasi ma le aiga, uo, ma tuaoi i le faia o nai mea iti e faaleleia atili ai le feauaunaa’i o le tasi ma le isi. Ia faia mea e avea ai lenei lalolagi o se nofoaga e sili atu ona lelei.
O a mea e mafai ona e faia i lou lava olaga e faaalia ai e te alofa muamua i le Alii?