“O Le Alofa o le Atua,” Mo le Malosi o le Autalavou, Nov. 2022.
Sauniga o le Taeao o le Aso Sa
Toefuataiga i Aso Taitasi
Vaega
Pe le mata’ina ea le matua’i laitiiti tele o mea moni o loo mafai ona faia ai se eseesega tele i o tatou olaga? …
O le tele o suiga i o tatou olaga faaleagaga—itu lelei ma itu lē lelei—e tupu tupu malie, e taitasi laa i le taimi …
…Ua i ai ni a tatou faailoga ala vaaia faatuatuaina ia e mafai ona tatou faaaoga e iloilo ai lo tatou ala.
Ma o a la nei faailoga ala?
E mautinoa lava le aofia ai le tatalo i aso taitasi ma le manatunatu loloto i tusitusiga paia ma le faaaogaina o meafaigaluega musuia e pei o le Sau, Mulimuli Mai ia te A’u. O aso taitasi, e mafai ona tatou faalatalata atu i le nofoalii o le Atua i le lotomaualalo ma le faamaoni. E mafai ona tatou manatunatu loloto i a tatou faatinoga ma iloilo taimi o o tatou aso—e mafaufau ai i o tatou naunautaiga ma manaoga pe a mafaufau i Lona finagalo. …
Mafaufau i ai o sou lava ia, toefuataiga i aso taitasi. I la tatou malaga o ni tagata sopo i luga o le ala o le mamalu, ua tatou iloa le faigofie tele ona pa’ū’ū ese atu. Ae e pei lava ina mafai e nai sasi laiti lava ona tata’i ese atu i tatou mai le Ala o le Faaola, e faapena foi ona mafai e ni nai faatinoga iti ma le faigofie o le toefaaogatusaina ona taitai mautinoa mai i tatou e toefoi mai i totonu. …
. …E mafai ona tatou faatautaia lo tatou ala i le pogisa ma tofotofoga o lenei olaga ma toe maua lo tatou ala e foi atu i lo tatou Tama Faalelagi alofa pe afai tatou te sailia ma talia faailoga ala faaleagaga ua uma ona Ia saunia, talia faaaliga faaletagata, ma tinoū mo le toefuataiga i aso taitasi. O le ala lea e mafai ai ona tatou avea ma soo moni o lo tatou Faaola pele, o Iesu Keriso.