“Toe Faatuatuaina,” Mo Le Malosi o le Autalavou, Nov. 2022.
Sauniga o le Afiafi o le Aso Sa
Toe Faatuatuaina
Vaega
Atalii Faamaumau Oa e Toalua, saunia e Jorge Cocco
Pe ua i ai ea se taimi na e lagona ai ua e solaese mai le aiga? E tele taimi, o le solaese mai le aiga o lona uiga ua leai se faatuatuaina pe ua motusia foi—le faatuatuaina o i tatou lava, ma le tasi ma le isi, ma le Atua. A oo ina lu’itauina le faatuatuaina, tatou te taumanatunatu pe faapefea ona toe faatuatuaina.
O la’u savali i le asō o le, pe o tatou o mai i le aiga pe o tatou o i le aiga, e afio mai le Atua e faafeiloai i tatou. E mafai ona tatou maua ia te Ia le faatuatua ma le lototele, poto ma le iloatino, e toe faatuatuaina ai. E faapena foi, ua Ia poloa’i mai ia tuu i luga a tatou lamepa mo le tasi ma le isi, ia tele lo tatou faamagalo atu ae itiiti le faamasinosino o i tatou lava ma le tasi ma le isi, ia mafai ai ona avea Lana Ekalesia ma se nofoaga tatou te lagona ai lo tatou i ai i le aiga, pe o tatou o mai mo le taimi muamua, pe ua toe fo’i mai.
O le faatuatuaina o se faatinoga o le faatuatua. …
Ua tatou iloa le olioli i luga o le ala o feagaiga a le Alii ma valaauga e auauna atu i Lana Ekalesia, o se valaaulia lea ia lagonaina le faatuatuaga ma le alofa o le Atua mo i tatou ma le tasi ma le isi. …
E avea le faatuatuaina ma mea moni, pe a tatou faia mea faigata i le faatuatua. O le auauna atu ma le ositaulaga e faateleina ai le malosi ma faamomosi ai loto. …
E ui ina patino o tatou tulaga faaletagata lava ia, e mafai ona fesoasoani mataupu faavae o le talalelei ma le Agaga Paia ia tatou iloa ai pe, ae pe faapefea foi, ma pe o le a foi le taimi e toe faatuatuaina ai isi. …
Faalagolago i le Atua ma Ana vavega. E mafai ona suia i tatou ma a tatou fegalegaleaiga. …
O malaga fai o o tatou olaga e patino, ae e mafai ona tatou toe foi i le Atua lo tatou Tama ma Lona Alo Pele e ala i le faatuatuaina o le Atua, o le tasi ma le isi, ma i tatou lava.