“O Le Mutimuti Alofa Tumau o le Faaola,” Mo le Malosi o le Autalavou, Nov. 2022.
Sauniga o le Taeao o le Aso Toonai
O Le Mutimuti Alofa Tumau o le Faaola
Vaega
O se tasi o mataupu faavae aupito sili ona maoae na a’oa’o mai e le Faaola i le taimi o Lana misiona i le lalolagi o le taua o le taulimaina o isi i le mutimuti alofa. …
… Sa faatino e le Faaola le agaalofa i tagata uma o e o le a o mai ia te Ia—e aunoa ma se tulaga ese—ma aemaise lava ia i latou o e na sili ona manaomia Lana fesoasoani. …
. …O le faaalia o le mutimuti alofa mo isi, o le mea moni, o le ute lea o le talalelei a Iesu Keriso ma o se faailoga manino o lo tatou latalata faaleagaga ma faalelagona i le Faaola. …
. …O le toatele o tagata i totonu o la tatou li‘o o faatosinaga o loo sailia le faamafanafanaga, gauai atu, faaaofia, ma soo se fesoasoani e mafai ona tatou ofoina atu ia i latou. E mafai ona avea i tatou uma ma ni meafaigaluega i ‘a’ao o le Alii ma galulue ma le mutimuti alofa ia i latou e lē tagolima, e faapei lava foi ona faia e Iesu Keriso. …
. …E lē tatau lava ona tatou faia ni faamasinoga soonafai ma le ‘ina’inā i o tatou tuaoi, auā tatou te manaomia uma le malamalama ma le alofa mutimutivale mo o tatou lē atoatoa mai lo tatou Tama Faalelagi alofa. …
A’u uo pele, ou te molimau atu a tatou tauivi e faatino le faataitaiga mutimuti alofa a le Faaola i o tatou olaga, o le a faateleina lo tatou malosi’aga e viia ai uiga tausaafia a o tatou tuaoi ma o le a faaitiitia ai lo tatou lagona faalenatura e faamasino atu i o latou faaletonu. O le a faatupula’ia la tatou fesootaiga ma le Atua, ma e mautinoa lava o le a suamalie o tatou olaga, o le a sili ona agamalu o tatou lagona, ma o le a tatou maua le punavai e lē muta o le fiafia. O le a lauiloa i tatou o ni tagata e faatupuina le filemu, o a latou upu e mālū e pei o le sau o se taeao o le tautotogo.