“Matagofie-Matagofie foi lona Faigofie,” Mo Le Malosi o le Autalavou, Nov. 2022.
Sauniga o le Aoauli o le Aso Toonai
Matagofie—Matagofie foi lona Faigofie
Vaega
Ina ia maua le ola faavavau, e tatau ona tatou “o mai ia Keriso, ma faaatoatoaina ia te Ia” [Moronae 10:32]. A o tatou o mai ia Keriso ma fesoasoani atu i isi e faia lena lava mea e tasi, ua tatou auai i le galuega a le Atua o le faaolataga ma le faaeaga, lea e taulai atu i tiutetauave e tofia mai le lagi. O nei tiutetauave paia e faaogatusaina i latou lava ma ki o le perisitua na toefuatai mai e Mose, Elaia, ma Elia, o loo tusia i le vaega lona 110 o le Mataupu Faavae ma Feagaiga, ma le poloaiga sili lona lua na tuuina mai ia i tatou e Iesu Keriso e alolofa ai i o tatou tuaoi e pei o i tatou lava. O loo maua i itulau muamua e lua o le Tusitaulima Aoao, ua faafouina, o loo avanoa mo tagata uma. …
-
Ola i le talalelei a Iesu Keriso
-
Tausiaina o i latou e le tagolima
-
Valaauliaina o tagata uma ia talia le talalelei
-
Tuufaatasiaina o aiga mo le faavavau
Atonu e te vaai atu i ai e pei o a’u: o se faafanua taiala e toe foi ai i lo tatou Tama Faalelagi alofa. …
Na ta’ua faapea o le talalelei a Iesu Keriso e “matagofie ma e matagofie foi lona faigofie.” O le lalolagi e le faigofie. E faigata, lavelave, ma e tumu i fesoua’iga ma fefinaua’iga. E faamanuiaina i tatou e le Alii pe a tatou faaaoga le faautautaga ia aua nei faatagaina le lavelave, ua masani tele ai le lalolagi, e ulufale mai i le ala tatou te maua ma faatino ai le talalelei. …
. …E ao ia i tatou uma ona taumafai malosi e tausisia le faigofie o le talalelei—i o tatou olaga, i o tatou aiga, i a tatou vasega ma korama, ma i a tatou uarota ma siteki.