“O Le Manaomia o se Ekalesia,” Mo Le Malosi o le Autalavou, Nov. 2022.
Sauniga o le Taeao o le Aso Toonai
O Le Manaomia o se Ekalesia
Vaega
O le asō, o la’u sāvali e faatatau i tagata lelei ma mafaufau faalelotu faapena ua lē toe ō pe auai i a latou ekalesia. A ou fai atu “lotu,” ou te tauaofa’i ai sunako, mosako, po o isi faalapotopotoga faalelotu. Ua matou popole ona o le auai i nei vaega uma ua matuā pa’ū maualalo lava, i malo uma. …
O le auai ma le toaaga i se lotu e fesoasoani lea ia i tatou ia avea ma ni tagata lelei atu ma ni tosinaga lelei atu i olaga o isi. …
. …I totonu o le ekalesia tatou te fegalegaleai ai ma tagata lelei o loo tauivi foi e auauna atu i le Atua. Ua faamanatu mai e lenei mea ia i tatou, e le o tuua na o i tatou i a tatou gaoioiga faalelotu. Tatou te manaomia uma fegalegaleaiga ma isi, ma o fegalegaleaiga faalelotu o nisi ia o aafiaga aupito silisili e mafai ona tatou oo i ai. …
… O tagata o le Ekalesia latou te lafoa’ia le auai i le Lotu ae na o le faaleagaga o le tagata lava ia e faalagolago i ai, ua latou vavaeeseina i latou lava mai nei vaega autu o le talalelei: o le mana ma faamanuiaga o le perisitua, le atoaga o le aoaoga faavae toefuataiina, ma uunaiga ma avanoa e faaaoga ai lena aoaoga faavae. …
E faaopoopo atu i le lagonaina o le filemu ma le olioli e ala i le mafutaga a le Agaga, o loo olioli o tatou tagata o loo auai-i-le-Lotu i fua o le ola i le talalelei, e pei o faamanuiaga o le ola i le Upu o le Poto ma meatotino ma le uluuluola faaleagaga na folafola mai mo le ola ai i le tulafono o le sefuluai. …
… O le atoaga o aoaoga faavae ma ona sauniga faaola ma le faaeaga ua na o le Ekalesia toefuataiina e maua ai.