“Aikuj eo n̄an juon Kabun̄,” N̄an Kōkajoorļo̧k Jodikdik ro, Nob. 2022.
M̧wen̄an eo an Jibbon̄ in Jādede
Aikuj eo n̄an juon Kabun̄
Mōttan ko rekadu
Rainin, enaan in aō ejelōt armej ro rem̧m̧an im armej in kabun̄ ro rej bōjrak aer etal ak bōk kwonaer ilo kabun̄ ko aer. Ilo aō ba “kabun̄ ko,” ekoba im̧ōn kweilo̧k ko, mosques ko, ak doulul ko an kabun̄ ko jet. Jej loe bwe kajjojo oran armej ro rej etal im jar ilo aolepān m̧ōnjar kein reiietļo̧k, ilo aolepen laļ in. …
Pād ilo im m̧akūtkūt ko an kabun̄ ej jipan̄ kōj erom armej ro rem̧m̧anļo̧k im jelōt em̧m̧anļo̧k eo an m̧our ko an ro jet. …
… Ilo kabun̄ ko jej iiaio ippān armej ro rem̧m̧an me rej kajjieon̄ jerbal n̄an Anij. Menin ej kakeememej kōj bwe jejjab make iaad ilo m̧akūtkūt ko an kabun̄. Kōj aolep jej aikuj ippān doon ippān ro jet, im m̧akūtkūt ko an kabun̄ ej jet iaan en̄jake ko rem̧m̧an, n̄an kōj im ro karejerad, im ajri ro nejid. …
… Membōr ro rej jab etal n̄an jikin jar im pedped ioon jetōb ko aer make im kōjenolo̧k er jān aorōk kein an gospel: kajoor im kōjeraam̧m̧an eo an priesthood, jepļaaktok in tarlep in katak, im kōņaan eo im iien ko rem̧m̧an n̄an bōke katak eo. …
Kakobaba ilo en̄jake ko n̄an aenōm̧m̧an kōn m̧ōttā eo jān Jetōb, membōr ro rej itok n̄an jar rej lem̧ōņōņō kōn leen gospel eo em̧our, āinwōt kōjeraam̧m̧an ko ilo m̧our kōn Naan in Māletlet im men ko im kōjeraam̧m̧an an jetōb kallim̧ur n̄an mour kōn kien juon mōttan jonoul. …
… Tarlep in katak im pinmuur im kain̄i ko an lo̧mo̧o̧r im mour ijo eutiej tata repojak wōt ilo Kabun̄ eo em̧ōj an jepļaaktok.