“Ij Jar bwe Enaaj Kōjerbale Kōj,” N̄an Kōkajoorļo̧k Jodikdik ro, Nob. 2022.
M̧wen̄an eo an Joteen in Jādede
Ij Jar bwe Enaaj Kōjerbale Kōj
Mōttan ko rekadu
Kabun̄ eo an Jisōs Kraist ej pād ium̧win kakien eo ekwojarjar an Anij n̄an kōjparok ro rijeram̧ōl. Ej juon iaan joor in jerbal ko an lo̧mo̧o̧r eo im mour ijo lōn̄ tata. …
Kabun̄ in ej uwaak n̄an kain jerbal rot in ilo bwijin kain wāween, ekobaļo̧k ippān:
-
jerbal in karejar eo me jej kōjerbal ilo Doulul eo an Kōra ro, Doulul an priesthood, im kūlaaj ko;
-
jitlo̧k im kōjerbal joortak in jitlo̧k ko;
-
jikin jipan̄ kein jikin menin mour im kab jikin kōm̧m̧an kuwaat;
-
jikin karuwainene n̄an rilikin ro;
-
riwōjļo̧k im jipan̄ ro rej pād ilo kalbuuj;
-
Tōbrak in Jerbal in jipan̄ eo an Kabun̄ in;
-
im JustServ app eo, n̄e ej bar peļļo̧k, me ej karōk ro rej kōņaan jerbal in jipan̄ ilo jikin kapok jerbal eo.
… Ilo an wōr elōn̄ jān 1,500 COVID-19 jerbal ekar lukkuun ļaptata an Kabun̄ in leļo̧k aer n̄an e n̄an jipan̄ kōmeraiki ilo allōn̄ ko 18 remootļo̧k, Kabun̄ in ekar barāinwōt eo̧ron̄ 933 jorrāān ko im armej rein me rekar em̧m̧akūt jān joko jikier kōn jorrāān ko rej waļo̧k ilo108 laļ ko. …
Kōnono kōn jon̄an kein jipan̄ ko an Kabun̄ in, Elder Jeffrey R. Holland bar juon alen ekar kōnono kake: “Ewaak jar ko … eiten aolep iien … jān an Anij kōjerbale armej ro jet. Em̧ool, ij jar bwe E enaaj kōjerbal kōj” [“Neonatal Resuscitation with Elder Holland” (video), The Church of Jesus Christ of Latter-day Saints, Nov. 10, 2011, youtube.com]. …
Ro jeiu im jatu, ilo jerbal in karejar ko ami, menin jipan̄ ko, iien, im iakwe, kom̧ij uwaak ko n̄an jar lōn̄lōn̄ kane an armej. Ak jon̄an an lōn̄ men jemaron̄ kōm̧m̧ani. Āinwōt membōr ro an Kabun̄ in, jej pād ium̧win bujen n̄an kōjparok ro me rej aikuj. Ilo kate ko ar kajjojo jejjab aikuj jāān ak ijoko rettoļo̧k; rej aikuj wōt tel eo an Jetōb Kwojarjar im bōro eo emaron̄ ba n̄an Irooj, “N̄a e; jilkinļo̧k n̄a” [Aiseia 6:8].