“Lukkuun Aiboojoj—Eļem Waan An Aiboojoj,” N̄an Kōkajoorļo̧k Jodikdik ro, Nob. 2022.
M̧wen̄an eo an Ālkin Rālep in Jādede
Lukkuun Aiboojoj—Eļem Waan An Aiboojoj
Mōttan ko
N̄an bōk mour indeeo, jej aikuj “itok n̄an Kraist, im weeppān ilo E” [Moronai 10:32]. Ilo ad itok n̄an Kraist im jipan̄ ro jet kōm̧m̧ane ejja āinwōt, jej bōk koņaad ilo jerbal in lo̧mo̧o̧r eo im mour āinwōt Anij, eo ej pedped wōt ioon eddo ko kar kappeik rekwojarjar. Eddo kein rekwojarjar rej kōjjepan kōj ippān priesthood ki ko kar kōjepļaaktok jān Moses, Elias, im Elijah, āinwōt kar je ilo 110th jekjōn in Katak im Bujen Ko, im kien eo eļap kein karuo kar letok n̄an kōj jān Jisōs Kraist n̄an iakwe ro rūturūd āinwōt kōj make. Rej loi ilo peij ko ruo im̧aan in Bok in Bōk Meļeļe Eļap, eo ekāāl im epeļļo̧k n̄an aolep membōr ro. …
-
Mour kōn gospel eo an Jisōs Kraist
-
Jipan̄ armej ro rej pād ilo aikuj
-
Kūr aolep n̄an bōk gospel eo
-
Kobaik baam̧le ko n̄an indeeo
Kwomaron̄ lali āinwōt aō kar: āinwōt juon mab in iaļ n̄an bar ro̧o̧l n̄an ippān Jemedwōj Ilan̄ eo ej iakwe. …
Em̧ōj kar ba bwe gospel eo an Jisōs Kraist ej “lukkuun aiboojoj im eļem waan an aiboojoj.” Laļ in ejjab. Ekapokpok, epok jaļjaļ, im eobrak kōn aen̄wān̄wā im kajjim̧we. Jej jeraam̧m̧an ilo ad kōjerbal mejmej karuo eo n̄an jab kōtļo̧k kapokpok, ekanooj bun̄bun̄ ilo laļ in, n̄an an deļo̧n̄e wāween eo jej bōke im kōjerbal gospel eo. …
… Jej aolep aikuj in kajjieon̄ n̄an dāpij ļam waan eo an gospel eo—ilo mour ko ad, ilo baam̧le ko ad, ilo kūlaaj im doulul ko ad, im ilo ward ko im stake ko ad.