“Itok n̄an Kraist im Jab Itok Make Iaam,” N̄an Kōkajoorļo̧k Jodikdik ro, Nob. 2022.
M̧wen̄an eo an Jibbon̄ in Jādede
Itok n̄an Kraist im Jab Itok Make Iaam
Mōttan in
Kwonan̄in ke kar en̄jake n̄an kappukote, ļōmņak eļan̄n̄e Anij elukkuun jeļā wōn kwe im eļan̄n̄e E ej aikuj eok? Jodikdik in nejū ejitōnbōro, im n̄an aolep, ij kam̧ool bwe uwaak eo ej aeet! Ewōr an Irooj juon karōk n̄an eok. E ekar kōpooj eok n̄an rainin, kiiō, n̄an erom̧ juon kajoor im kipel n̄an em̧m̧an ilo jerbal eo ekajoor An. Kōm̧ij aikuj eok! Ej meļeļein eban ļap eļan̄n̄e ejjab kwe! …
… Itok n̄an Kraist. Itok kiiō, ak jab itok make iaam̧! …
Keememej, wāween eo em̧m̧antata n̄an eok n̄an kōkm̧anm̧anļo̧k laļ in ej n̄an kōpooj laļ in n̄an Kraist ilo ad ļoor E. …
E ejeļā kōn en̄taan im apan̄ ko barāinwōt im ej kūr n̄an bōktok ro rej mijak, inepata, pere, utiej bōro im jab lōke, rijameļeļe, riajimakeke, ak ro me rej “m̧ōjņo̧ ilo jabdewōt wāween otemjeļo̧k.”
… Wōn eo inaaj bōktok n̄an Kraist? Wōn eo kwonaaj bōktok? …
… Jiron̄ ro im likao ro, rej jino kiiō, ilo m̧weo m̧ōm̧ make. …
Ej juon iien eo eaibojooj n̄an bōk koņaad ilo jerbal in an Kraist!
Aaet, kom̧ij pād ilo laļ in kōn juon jibadbad eļap. Ij kobaļo̧k ippān Būreejtōn Nelson, eo ekar ba: “Irooj ej aikuji kom̧ n̄an ukōt laļ in. Ilo ami bōk im ļoor Ankilan n̄an kom̧, kom̧ naaj lo kom̧ make ami kadedeļo̧k men ko reppen!” [Russell M. Nelson, Accomplishing the Impossible: What God Does, What We Can Do (2015), 147].