“Tōmak eo n̄an Kajjitōk Innām n̄an Kōm̧m̧ane,” N̄an Kōkajoorļo̧k Jodikdik ro, Nob. 2022.
M̧wen̄an eo an Joteen in Jādede
Tōmak eo n̄an Kajjitōk Innām n̄an Kōm̧m̧ane
Mōttan
Wāween eo n̄an bōk revelesōn jān Anij ejjan̄in oktak jān raan ko an Adam im Iv. Ekar ejja wāween eo wōt n̄an aolep ro ņaetaer rikarejar ro an Irooj jān jinoin n̄an rainin. Ejja wāween eo wōt n̄an kwe im n̄a. Aolep iien ej kōm̧m̧an kōn kōjerbal tōmak. …
… Ewōr am̧ kajjitōk ko kōn men ko kwoj pukot uwaakier. Ebwe tōmak eo am̧ n̄an kōjatdikdik bwe kwonaaj bōk uwaak ko jān Irooj jān rikarejar ro An. Koban maron̄ wōr am̧ iien ko rem̧m̧an n̄an kajjitōkļo̧k n̄an bōk uaak ko jān rikōnono ro, ak komaron̄ kajjitōk ippān Jemōm̧ Ilan̄ ilo jar.
Ijeļā jān en̄jake bwe uwaak ko renaaj itok im jejjet n̄an aikuj ko am̧ im m̧aanjabpopo eo am̧ ilo jetōb. …
Eļan̄n̄e tōmak eo am̧ ilo Jisōs Kraist ekar tōlļo̧k eok n̄an juon bōro erub itok jān jekjek ko rejelet pinmuur eo An, enaaj ļapļo̧k am̧ maron̄ en̄jake unoojdikdik ko an Jetōb eo n̄an uwaak in jar ko am̧. …
Ilo an tōmak eo ad ilo Jisōs Kraist naaj tōlļo̧k kōj n̄an kajjitōk ippān Jemān n̄an uwaak ko, tōmak in enaaj barāinwōt bōktok im̧we eo an Rilo̧mo̧o̧r eo im ebwe n̄an ad ron̄jake tōl eo An im ad maron̄ kōņaan im m̧ōņōņō in pokake. …
Ej aō naan in kam̧ool bwe dekā eo me jej jutak ioon ej ad kam̧ool bwe Jisōs ej Kraist eo; bwe en̄in ej Kabun̄ eo An me E ej tōle make; im bwe Būreejtōn Russell M. Nelson ej rikanaan eo An emour rainin. …
Ij jar bwe kom̧in maron̄ bōk ejja kain kam̧ool in wōt.