“Iakwe eo an Anij,” N̄an Kōkajoorļo̧k Jodikdik ro, Nob. 2022.
M̧wen̄an eo an Jibbon̄ in Jādede
Iakwe eo an Anij
Mōttan ko rekadu
Eļap an kabwilōn̄lōn̄ im wānōk iakwe eo an Jemedwōj Ilan̄ n̄an kōj. …
Jisōs Kraist ej kwaļo̧k ilo jokkun wōt juon ejja iakwe in wōt an Jemen. …
Iakwe in ekwojarjar ej aikuj letok eļap kaeņōm̧m̧an im lōke ilo ad jar n̄an Jemen ilo etan Kraist. …
… Jet reminene in ba, “Rilo̧mo̧o̧r ej iakwe eō āinwōt aō bar iakwe E,” im bwe menin em̧ool. Bwe ejjab maron̄ bōk jabdewōt iaad n̄an aelōn̄ in Kiin̄ eo An āinwōt bar kōj, “bwe ejjeļo̧k men ettoon emaron̄ jokwe ijo, ak jokwe ilo im̧aan Mejān” [Moses 6:57]. …
… Ālkin kalikkare bwe Ejjab maron̄ jekpen ņae ak kalimjōk n̄an jidik jerawiwi, Irooj ej kalikkar n̄an kōj:
“Mekarta, eo ej ukeļo̧k im kōjparoki kien ko an Irooj naaj jeorļo̧k an bōd” [Katak im Bujen Ko 1:32]. …
… Kabun̄ in ad ejjab juon kabun̄ in lo bōd an ro jet im ejjab kabun̄ an ro rewānōk, ej juon kabun̄ in pinmuur—pinmuur kōn Jisōs Kraist. …
Etō aō baj bwilōn̄ kōn, im barāinwōt en̄jake, jan̄nuwaad in iakwe eo an rikanaan eo an Anij ilo aer kakkōl ko aer ņae jerawiwi. Juon ikdeleel n̄an kalia rejjab kōketak kōj. Ikdeleel eo aer em̧ool ej kwaļo̧k iakwe eo an Anij; ilo m̧ool, e ej iakwe eo an Anij. …
Ilo aō kile bwe iakwe eo an Anij n̄an kōj ewānōk, jemaron̄ kajjitōk, “Ewi jon̄an aō iakwe Anij? Emaron̄ ke pedped ioon iakwe eo aō āinwōt aō pedped ioon iakwe eo An?” …
Ij kwaļo̧k aō kam̧ool kōn m̧ool eo ad Jemedwōj Ilan̄ im ad Ripinmuur, Jisōs Kraist, im kōn iakwe eo aer ejjab jem̧ļo̧k im ej n̄an indeeo.