“Bar Lōke,” N̄an Kōkajoorļo̧k Jodikdik ro, Nob. 2022.
M̧wen̄an eo an Ālkin Rālep in Jabōt
Bar Lōke
Mōttan ko
Two Prodigal Sons, jān Jorge Cocco
Kwonan̄in ke n̄an jidik en̄jake āinwōt kwoj kōņaan ko jān m̧weo? Emakijkij, ko jān m̧weo ej meļeļe in bwe lōke eo em̧ōj an mejaļļo̧k ak rup—lōke eo ippād make, ippān kajjojo, ippān Anij. N̄e lōke eo ej idajon̄jon̄e, jej ļōmņak ekōjkan ad bar lōke.
Ennaan eo aō rainin ej, men̄e jej jepļaak n̄an m̧weo ak ilo̧k jān m̧weo, Anij ej itok im iioon kōj. Ilo E jemaron̄ lo tōmak im peran, māletlet im maron̄ kile, n̄an bar lōke. Ejja wōt, E ej kajjitōk ippād n̄an kabbōl wōt meram eo n̄an doon, n̄an kōļapļo̧k jeorļo̧k bōd im kadikļo̧k ekajet kōn kōj make im doon, bwe Kabun̄ eo An en maron̄ juon jikin eo me jej en̄jake āinwōt m̧weo, men̄e jej ilo̧k n̄ane ej kab kein kajuon ak bar ro̧o̧ltok.
Lōke ej juon jerbal in tōmak. …
Jejeļā bwe lan̄lōn̄ eo ilo iaļ in bujen eo an Irooj im kūr ko n̄an jerbal ilo Kabun̄ eo An rej juon kūr n̄an en̄jake lōke im iakwe an Anij n̄an kōj im ro jet. …
Lōke ekar jino m̧ool in ke kōm kar kōm̧m̧ani men ko reppen kōn tōmak. Jerbal in jipan̄ im kaarmejete ekōļapļo̧k maron̄ eo im bar karreo bōro ko. …
Ilo an jekjek ko ad kajjojo ad make, pedped in katak ko an gospel eo im Jetōb Kwojarjar eo maron̄ jipan̄ kōj jeļā eļan̄n̄e, ekōjkan, im n̄āāt eo n̄an lōke ro jet bar juon alen. …
Lōke Anij im kabwilōn̄lōn̄ ko An. Kōj im kadkad ko ad remaron̄ oktak. …
Iaļ ko ad ilo mour in rej an kajjojo, bōtaab jemaron̄ bar itok n̄an Anij eo Jemed im Nejin Jitōnbōro kōn lōke ilo Anij, n̄an doon, im kōj make.