“Etan Kabun̄ in Jab Maron̄ Pepe Kake,” N̄an Kōkajoorļo̧k Jodikdik ro, Nob. 2022.
M̧wen̄an eo an Ālkin Rālep in Jabōt
Jejjab Maron̄ Pepe n̄an Ukōt Etan Kabun̄ in
Mōttan ko
Ilo juon kweilo̧k an ribbōk nuuj im meļeļe ilo Okwōj 16, 2018, Būreejtōn Nelson ekar ba: “Irooj ekar im̧we kōļmenļo̧kjeņ eo aō kōn aorōk in jim̧we in āt eo etan Kabun̄ eo An, aaet Kabun̄ eo an Jisōs Kraist im Armej ro Rekwojarjar ilo Raan Ko Āliktata. [“The Name of the Church,” Aug. 16, 2018, newsroom.ChurchofJesusChrist.org]. …
Juon kajjitōk em̧m̧an kar wōnlōn̄tak kake: Etke kiiō, ke ilo elōn̄ iiō ko rellōn̄ eto ad kar kōjerbal riab in etad “Mormon”? “Mormon Tabernacle Kuwaer eo,” bitio ko rekadu n̄an kadeleel kōn kabun̄ in etan “I’m a Mormon,” al eo an Būraimere etan “I Am a Mormon Boy”?
Katak ko an Kraist reban okoktak im rej n̄an indeeo. Aaet bun̄tōn ko ralikkar im raorōk kōn jerbal ko an Rilo̧mo̧o̧r rej waļo̧k ilo iien ko aer rekkar im jejjet. …
Kom̧ em̧m̧ool kōn kijejeto ko ami rem̧m̧an n̄an kōļapļo̧k ad kōjerbal m̧ool in etan Kabun̄ in ilo jim̧we im jejjet. …
Irooj ekar kōļapļo̧k kijejeto ko ad ilo ad kar bar etale et ko me eto ad kōjerbali n̄an etan Kabun̄ in. …
Elōn̄ taujin im taujin Armej ro Rekwojarjar ilo Raan Ko Āliktata ro rekar peran n̄an kwaļo̧k jim̧we in etan Kabun̄ in. Ilo ad kōm̧m̧ane ijo koņaad, ro jet renaaj ļoore. …
“Jejjab Maron̄ Pepe n̄an Ukōt Etan Kabun̄ in.” Bun̄ m̧aanļo̧k kōn tōmak. N̄e jej lukkuun ļoor kapilōk eo an Irooj āinwōt an waļo̧k n̄an rikanaan eo An emour, eļaptata n̄e ej itok ilo ļōmņak eo ad, emenin aikuj ettā im wūjlepļo̧k, Irooj ej kōjeraam̧m̧an kōj kōn eļapļo̧k kajoor ilo jetōb im jilkinļo̧k enjeļ ro an n̄an jipan̄ kōj im jutak likid. Jej bōk kean̄ im kōmālim eo An.