“Kōn Kajoor in Anij ilo Aiboojoj Eļap,” N̄an Kōkajoorļo̧k Jodikdik ro, Nob. 2022.
M̧wen̄an eo an Ālkin Rālep in Jādede
Kōn Kajoor in Anij ilo Aiboojoj Eļap (1 Nipai 14:14)
Mōttan ko rekadu
Bujen ko, ilo an deļo̧n̄e ļo̧k kajoor in kain̄i in priesthood, remaron̄ kobaiki ļo̧k kōj ippān Irooj Jisōs Kraist im rej unleplep in jerbal in lo̧mo̧o̧r im mour ijo eutiejtata ilo aolepān jait ko jim̧or an rōn̄ōļ eo.
Mijenede im tampeļ im jerbal in menmenbwij an baam̧le rej jipan̄ doon ilo jerbal in im juon wōt ilo juon jerbal ļapļap me ej pedped ioon bujen kwojarjar ko im kain̄i ko me rej jipan̄ kōj bwe jen maron̄ bōk kajoor eo an Anij ilo mour ko ad im, āliktata, ro̧o̧lļo̧k n̄an ippān Jemedwōj Ilan. …
Jej bōke ine eo an Rilo̧mo̧o̧r iood ilo ad ekkatak Ippān, bōke ilo ad erreo, im kautiej bujen ko im kain̄i ko rekwojarjar. Jej ekkejel ilo ineem̧m̧an n̄an im ippān Rilo̧mo̧o̧r ilo ad keememej ilo tōmak im kōm̧m̧ane ijo em̧m̧an tata ippād n̄an mour ekkar n̄an eddo ko jaar būki. Im jem̧jerā in Ippān ej un eo an kajoor ilo jetōb im dim eo ilo aolep jekjek ko an mour ko ad. …
Bujen kallim̧ur ko im jeraam̧m̧an ko raar maron̄ waļo̧k kōn Rilo̧mo̧o̧r eo ad, Jisōs Kraist. Ej kūr kōj bwe jen reilo̧k n̄an E, itok n̄an E, katak kōn E, im leļo̧k kōj n̄an E kōn bujen eo im kain̄i ko an gospel eo An me emōj an jepļaaktok. Ij kam̧ool im kallim̧ur bwe ne jej kōjparok bujen ko enaaj kōpooj kōj kōn jim̧we im kōn kajoor in an Anij ilo aiboojoj eo eļap. Im ij kam̧ool bwe Irooj Jisōs Kraist ej mour ej ad Rilo̧mo̧o̧r.