“Tūriam̧o eo an Rilo̧mo̧o̧r,” N̄an Kōkajoorļo̧k Jodikdik ro, Nob. 2022.
M̧wen̄an eo an Jibbon̄ in Jādede
Tūriam̧o eo an Rilo̧mo̧o̧r
Mōttan ko rekadu
Juon iaan pedped ko rekabwilōn̄lōn̄ kar katakin jān Rilo̧mo̧o̧r eo ilo jerbal in kwaļo̧k eo An kar kōm̧m̧an em̧m̧an n̄an ro jet kōn tūriam̧o. …
… Rilo̧mo̧o̧r ej tūriam̧o n̄an aolep ro renaaj itok n̄an E—jekdo̧o̧n m̧wiļ rot—im eļaptata n̄an ro rej aikuj jipan̄ eo An. …
… Kwaļo̧k tūriam̧o n̄an ro jet ej, ilo m̧ool, eaorōk ilo gospel eo an Jisōs Kraist im juon kōkkaļļe em̧ool kōn mour in jetōb eo ad n̄an epaakeļo̧k Rilo̧mo̧o̧r eo. …
… Elōn̄ armej ro ilubwiljid rej kappukot aenōm̧m̧an, jipan̄, kea, im jabdewōt jipan̄ eo jemaron̄ leļo̧k n̄an er. Jemaron̄ aolep kein jerbal ilo pein Irooj n̄an kwaļo̧k tūriam̧o n̄an ro rej aikuj jipan̄, āinwōt kar Jisōs. …
… Jej aikuj jab kapenpen im ekajete ro riturid, kōnke jej aolep aikuj kōn meļeļe im tūriam̧o kōn jab wānōk ko ad jān Jemedwōj Ilan̄ eo ej iakwe. …
Ro jera rejitenbōro, Ij kam̧ool bwe ilo ad kajjieon̄ in kappukot tūriam̧o eo an Rilo̧mo̧o̧r kōn waanjon̄ak n̄an mour ko ad, ad maron̄ in nōbar wānōk an ro riturid enaaj ļapļo̧k im ad ļōmņak in ekajet kōn bōd ko aer enaaj dikļo̧k. Jemdoon eo ad ippān Anij enaaj ļapļo̧k, im mour ko ad renaaj em̧m̧anļo̧k, en̄jake ko ad renaaj jouj ļo̧k, im jenaaj lo juon lem̧ōņōņō eo ejjeļo̧k jem̧ļo̧kin. Naaj jeļā kajjien rikōm̧m̧an aenōm̧m̧an, eo naan ko rejouj āinwōt m̧ōļawi in jibbon̄.