“Iakwe eo an Anij,” N̄an Kōkajoorļo̧k Jodikdik ro, Nob. 2022.
M̧wen̄an eo an Jibbon̄ in Jabōt
Jepļaaktok eo Raan Otemjej
Mōttan ko
Ekaitoktok ke limo jekdo̧o̧n ewi dik in, āinwōt jekjek ko an rejabwe remaron̄ kōm̧m̧ane juon oktak ļapļap ilo mour ko ad? …
Elōn̄ wōt iaan oktak ko ilo mour in jetōb ko ad—jim̧or em̧m̧an im nana—rej waļo̧k jidik kōn jidik, juon illo̧k juon. …
… Ewōr ad kakōļļe ko kōjatdikdik ioer, ralikkar me jemaron̄ kōjerbali n̄an etale iaļ eo ad.
Im ta kakōļļe kein?
Em̧ool rej koba jar aolep raan im kejekļo̧kjeņ kōn jeje ko rekwojarjar im kōjerbal kein jerbal ko reim̧we āinwōt Itok, Ļoor Eō. Kajjojo raan, jemaron̄ kōnono ilo jar n̄an Anij ilo tūro̧o̧n eo an ilo ettā im m̧ool. Jemaron̄ kejōkļo̧kjeņ kōn jerbal ko ad im etale iien ko an tōre in ad—ļōmņak kōn an kilad im ikdeelel ko ad ippān meram eo An. …
Ļōmņak kōn etale eo āinwōt am̧ make, jepļaaktok eo raan otemjej. Em̧m̧akūt eo ad āinwōt rittōm̧ak ro ilo iaļ in aiboojoj eo, jejeļā ewi jon̄an an pidodo n̄an wōtļo̧k. Ak ejja āinwōt jejļo̧k ko reddik maron̄ bōkļo̧k kōj jān Iaļ eo an Rilo̧mo̧o̧r, āindein barāinwōt jerbal in kajejjet ko reddik im ļam waan remaron̄ ilo m̧ool kōro̧o̧lļo̧k kōj. …
… Jemaron̄ tar metoik iaļ eo ad ilo marok im mālijjon̄ ko an mour in im lo iaļ eo ad ļo̧k n̄an ippān Jemedwōj Ilan̄ eo ej iakwe eļan̄n̄e jej kappukōt im bōk kakōļļe ko ilo jetōb Ekar kōpoji, kaorōk revelesōn an juon make, im kajjieon̄ n̄an jepļaaktok eo raan otemjej. En̄in ej wāween eo jej erom rikaļoor ro rem̧ool an ad Rilo̧mo̧o̧r, Jisōs Kraist jitōnbōro.