“Mour Erreo Ejjab Meļeļein Ejjeļo̧k Likjab,” N̄an Kōkajoorļo̧k Jodikdik ro, Nob. 2022.
M̧wen̄an eo an Joteen in Jādede
Mour Erreo Ejjab Melelein Ejjeļo̧k Likjab
Mōttan ko
Jet rej bōd aer bōke m̧eļeļe in ke ukweļo̧k im oktak rejjab menin aikuj. Ennaan eo an Anij ej ba bwe men kein raorōk. …
Jet rej bōd aer bōke meļeļe in ke ukweļo̧k ej bōk jikin juon wōt kōttan. Ennaan eo an Anij ej bwe, āinwōt an Būreejtōn Russell M. Nelson kar katakin, “Ukweļo̧k … ej juon jerbal.” …
Jet rej bōd aer meļeļe im rej lōm̧ņak bwe rejjab erreo n̄an bōk koņaer ilo jerbal in Gospel in kōnke rejjab maron̄ in lukkuun anjo jān iminene nana ko. Ennaan eo an Anij ej bwe mour erreo ejjab meļeļein ejjeļo̧k likjab. Mour erreo ej ilo am̧ m̧ool im kate eok. Jej aikuj m̧ool n̄an Anij, ritōl ro ilo doulul eo an priesthood, im ro jet rej iakwe kōj, im jej aikuj wonm̧aanļo̧k wōt n̄an kōjparok kien ko im jab ebweer kōnke jej jirilo̧k im bōd.
Jet rej bōd im ļōmņak bwe Anij ej kōttar in jipan̄ ālkin ad ukweļo̧k. Anij ej jiron̄ kōj bwe E enej jipan̄ kōj ilo ad ukweļo̧k. …
… Jouj eo an ejab juon nōbar n̄an ro wōt im rej erreo. Ej juon jipan̄ eo “ejeļo̧k jem̧ļo̧kin” E ej letok bwe en jipan̄ kōj bwe jān maron̄ bōk mour erreo. Ejab juon menin nebar n̄an ro wōt im rej jim̧we. Ej juon menin “letok eo ekwojarjar kōn kajoor eo an” E ej letok n̄an jipan̄ kōj mour jim̧we. Jejjab etetal wōt ilo ad jibadōk Anij im Kraist. Jej etetal wōt Ippaer. …
… N̄e kwoj en̄jake bwe elōn̄ wōt iien ejjab jejjet kālet ko am im kajjieon̄, keememej bwe pinmuur eo an Kraist im tiriam̧o eo an rem̧ool remaron̄ kōm̧m̧an bwe maron̄. “[An] pein tiriam̧o eo ej peļļo̧k n̄an kwe” [3 Nipai 9:14]. Kwoj jitōn bōro—rainin, ilo 20 iiō ko, im indeeo.