“Iakwe an Anij; Mennin Kam̧ōņōņō tata n̄an Jetōb,” N̄an Kōkajoorļo̧k Jodikdik ro, Nob. 2022.
M̧wen̄an eo an Ālkin Rālep in Jādede
Iakwe an Anij: Mennin Kam̧ōņōņō tata n̄an Jetōb
Mōttan ko rekadu
Jemaron̄ pijaikļo̧k iakwe eo an Anij āinwōt juon meram ej romaak jān wōjke in mour eo, romaakļo̧k n̄an aolepān laļ in n̄an būruwōn ajri ro nejin armej. Meram eo an Anij im iakwe eo an rej leļo̧k mour n̄an aolep kōm̧anm̧an ko An.
Jet iien jej bōd ilo ad ļōmņak bwe jemaron̄ wōt en̄jake iakwe eo an Anij ālikin ad ļoor aen in depdep eo im bōk leen wōjke eo. Iakwe eo an Anij, ijoke, ejjab ro wōt rej itok n̄an wōjke eo rej bōke ak ej lukkuun kajoor eo me ej kipel kōj n̄an kappukōt wōjke eo. …
Iakwe eo an Anij ejjab lo ilo jekjek ko in mour ko ad, bōtaab ilo An pād ilo mour ko ad. Jejļā kōn iakwe eo An n̄e jej bōk kajoor ilōn̄inļo̧k kajoor eo ad make im n̄e Jetōb eo An ej boktok jokne, kaenōm̧m̧an, im iaļ. Jet iien emaron̄ naaj pen n̄an en̄jake iakwe eo An. Jemaron̄ jar n̄an kōpeļļo̧k mejād n̄an lo Pein ilo mour ko ad im n̄an lo iakwe eo An ilo aiboojoj in kōm̧anm̧an ko An.
Ilo ad kejōkļo̧kijeņ kōn mour eo an Rilo̧mo̧o̧r im en̄taan indeeo eo An, jemaron̄ jino meļeļe kōn iakwe eo An n̄an kōj. …
Ij kwaļo̧k aō kam̧ool bwe ad Irooj im Rilo̧mo̧o̧r ekar mej kōn kajjojo iaad. Ekar juon kwaļo̧k in iakwe eo An indeeo n̄an kōj im n̄an Jemān. …
Jen kōpeļļo̧k būruōd n̄an bōk iakwe eo erreo me epād ippān Anij n̄an kōj im kwaļo̧k iakwe eo An ilo aolep kōm̧m̧an ko ad im ro jej erom̧.