“Aenōm̧m̧an eo an Kraist ej Joļo̧k Kōjdāt,” N̄an Kōkajoorļo̧k Jodikdik ro, Nob. 2022.
M̧wen̄an eo an Jibbon̄ in Jabōt
Aenōm̧m̧an eo an Kraist ej Joļo̧k Kōjdāt
Mōttan ko
Jisōs Kraist ekar kōmeļeļeiki bwe katak eo An ejjab n̄an, “pukwōj būruōn armej kōn illu, ippān doon; a en̄in ej unleplep in katak eo [An] bwe men rot kein rej aikuj jako.” [3 Nipai 11:28–30]. …
Ālkin an Rilo̧mo̧o̧r loļo̧k Amedka kan, armej ro rekar juon wōt. … Oktak ko aer ekar jako ilo aer kar kwaļo̧k iakwe n̄an Rilo̧mo̧o̧r, im rekar juon wōt n̄an “rijolōt e aelōn̄ in Anij” [4 Nipai 1:17]. Bwe tōprak eo ekar “ejjeļo̧k bar armej rem̧ōņōņōļo̧k armej ro otemjej kar ejaak jān pein Anij.” [4 Nipai1:16].
Juon wōt ebōk kijejeto. Ej ļapļo̧k n̄e jej bōk iakwe eo an Anij ilo būruwōd im jej mijōk wōt mejān kajjik eo ad indeeo. Jej juon wōt ilo paoktok eo ad āinwōt ajri ro nejin Anij im kallim̧ur eo ad n̄an m̧ool ko an gospel in em̧ōj an jepļaaktok. Ad iakwe n̄an Anij im ad rikaļooraņ Jisōs Kraist ej kōm̧m̧an bwe jen jeļā ņae ro jet. …
N̄e iakwe an Kraist ej ļap ilo mour ko ad, jej kōjekdo̧o̧n iakwāālel kōn ettā, kijenmej, im jouj. Edikļo̧k ad inepata kōn en̄jake ko ad make im ļapļo̧k kōn ro riturid. Jej kappukot jokkun im juon wōt. Jen jab bōk kuņaad ilo “kajjitōk ko re pere,” ekajete ro jejjab errā ippāer, ak kajjieon̄ bwe ren tūbbo̧k. Ijoke, jej kile bwe ro jejjab errā ippāer rej kōm̧m̧ane ijo em̧m̧antata remaron̄e kōn imminene in mour ko ippāer. …
… Ej aō kūr bwe jen peran n̄an likūt ad iakwe n̄an Anij im rikaļooran Rilo̧mo̧o̧r eo ilōn̄in iaan aolep kōttōbar. Jen dāpij bujen jolet in ad rikaļooran—bwe jen bujen juon wōt.