“Mool eo Erreo, Katak eo Erreo, im Revelesōn eo Erreo,” N̄an Kōkajoorļo̧k Jodikdik ro, Nob. 2022.
M̧wen̄an eo an Jibbon̄ in Jādede
Mool eo Erreo, Katak eo Erreo, im Revelesōn eo Erreo
Jijiddikdik in
Ro jeiū im jatū, kom̧ij ruwainene n̄an kweilo̧k in eļap! …
… ij karuwaineneik kom̧ n̄an ron̄jake jilu men ko ilo kweilo̧k in eļap: m̧ool eo erreo, katak eo erreo an Kraist, im revelesōn eo erreo. Mool eo n̄an pere ko an jet, em̧ool ewōr baj juon men āinwōt jim̧we im bōd. Em̧ool ewōr m̧ool—m̧ool eo ejjeļo̧k jem̧ļo̧kin. Juon iaan men ko elōn̄ ilo kōj raan kein ad ej bwe jejjo armej ro rejeļā ia eo n̄an pukot m̧ool eo ie. Imaron̄ kam̧oole n̄an kom̧ bwe ta eo kom̧ naaj ron̄jake rainin im ilju rej iookļo̧k m̧ool eo erreo.
Katak eo erreo an Kraist ekajoor. Ej ukōt mour an aolep ro rej meļeļe im kappukot n̄an kōjerbale ilo mour eo an. Katak eo an Kraist ej jipan̄ kōj loe im pād wōt ilo iaļ in bujen eo. Pād wōt ilo iaļ in erarin ak iaļ in em̧ōj kōmeļeļeiki enaaj lukkuun kōkarbab e kōj n̄an ad bōk aolep men ko an Anij. Ejjeļo̧k juon men emaron̄ aorōkļo̧k jān aolep men ko ewōr ippān Anij!
Āliktata, revelesōn eo erreo n̄an kajjitōk ko ad ilo būruwōd renaaj kōm̧m̧an bwe kweilo̧k in eļap en ļaptokjen im ban meļo̧kļo̧ke. Eļan̄n̄e kwoj jan̄in kar kappukot jerbal in karejar eo an Jetōb Kwojarjar n̄an jipan̄ eok ron̄jake ta eo Irooj enaaj kōņaan bwe kwon ron̄jake ilo raan kein ruo. Ij karuwaineneik kom̧ bwe kom̧in kōm̧m̧ane āindein kiiō. Jouj im kōm̧m̧an bwe kweilo̧k in eļap en juon iien m̧ōn̄ā in kijone ioon ennaan ko jān Irooj kōn rikarejar ro An. Ekkatak ekōjkan am̧ maron̄ kōjerbali ilo mour eo am̧?”