« សេចក្តីស្រឡាញ់នៃព្រះ ៖ សេចក្ដីរីករាយបំផុតដល់ព្រលឹង » ដើម្បីកម្លាំងនៃយុវជន ខែ វិច្ឆិកា ឆ្នាំ ២០២២ ។
សម័យប្រជុំរសៀលថ្ងៃសៅរ៍
សេចក្តីស្រឡាញ់នៃព្រះ ៖ សេចក្ដីរីករាយបំផុតដល់ព្រលឹង
ការដកស្រង់
យើងអាចស្រមៃមើលសេចក្តីស្រឡាញ់នៃព្រះ ថាជាពន្លឺដែលចែងចាំងចេញពីដើមឈើជីវិត ដែលសាយសព្វខ្លួនវានៅលើផែនដីទាំងមូល ចូលទៅក្នុងចិត្តរបស់កូនចៅមនុស្ស ។ ពន្លឺ និងសេចក្តីស្រឡាញ់នៃព្រះ ជ្រាបចូលទៅក្នុងរាល់ការបង្កើតរបស់ទ្រង់ទាំងអស់ ។
មានពេលខ្លះ យើងយល់ច្រឡំដោយគិតថាយើងអាចទទួលអារម្មណ៍សេចក្តីស្រឡាញ់របស់ព្រះ ក្រោយពី យើងបានដើរតាមដំបងដែក ហើយទទួលទានផ្លែឈើនោះ ។ សេចក្តីស្រឡាញ់របស់ព្រះមិនត្រឹមតែទទួលបានដោយអស់អ្នកដែល មក រកដើមឈើនោះប៉ុណ្ណោះទេ ប៉ុន្តែថែមទាំងជាថាមពលដែលជំរុញយើងឲ្យ ស្វែងរក ដើមឈើនោះទៀតផង ។ …
សេចក្តីស្រឡាញ់នៃព្រះមិនមាននៅក្នុង កាលៈទេសៈទាំងឡាយ នៃជីវិតរបស់យើងទេ ប៉ុន្តែគឺនៅក្នុង វត្តមាន របស់ទ្រង់នៅក្នុងជីវិតរបស់យើង ។ យើងដឹងអំពីសេចក្តីស្រឡាញ់របស់ទ្រង់ នៅពេលយើងទទួលបានកម្លាំងដ៏លើសលប់ពីខ្លួនរបស់យើងមាន ហើយនៅពេលដែលព្រះវិញ្ញាណរបស់ទ្រង់នាំមកនូវ សេចក្ដីសុខសាន្ដ ការលួងលោមចិត្ត និងការដឹកនាំ ។ មានពេលខ្លះ វាអាចជាការពិបាកក្នុងការទទួលអារម្មណ៍ពីសេចក្តីស្រឡាញ់របស់ទ្រង់ ។ យើងអាចអធិស្ឋានសូមឲ្យភ្នែកយើងបើកដើម្បីឃើញព្រះហស្តរបស់ទ្រង់នៅក្នុងជីវិតរបស់យើង និងមើលឃើញសេចក្តីស្រឡាញ់របស់ទ្រង់នៅក្នុងភាពដ៏ស្រស់ស្អាតនៃការបង្កើតទាំងឡាយរបស់ទ្រង់ ។
នៅពេលយើងសញ្ជឹងគិតអំពីព្រះជន្ម និងពលិកម្មដ៏និរន្ដររបស់ព្រះអង្គសង្គ្រោះ នោះយើងអាចចាប់ផ្តើមយល់ពីសេចក្តីស្រឡាញ់របស់ទ្រង់ចំពោះយើង ។ …
ខ្ញុំសូមថ្លែងទីបន្ទាល់ថា ព្រះអម្ចាស់ និងព្រះអង្គសង្រ្គោះរបស់យើងពិតជាបានសុគតដើម្បីយើងម្នាក់ៗពិតមែន ។ វាគឺជាការបង្ហាញពីសេចក្តីស្រឡាញ់ដ៏គ្មានទីបញ្ចប់របស់ទ្រង់ចំពោះយើង និងចំពោះព្រះវរបិតារបស់ទ្រង់ ។ …
សូមយើងទាំងអស់គ្នាបើកដួងចិត្តរបស់យើងដើម្បីទទួលបាននូវសេចក្តីស្រឡាញ់ដ៏បរិសុទ្ធ ដែលព្រះមានចំពោះយើង ហើយបន្ទាប់មកបញ្ចេញសេចក្តីស្រឡាញ់របស់ទ្រង់តាមអ្វីដែលយើងមាន និងធ្វើ ។