“Ikonektar,” Alang sa Kalig-on sa mga Kabatan-onan, Abr. 2022.
Ikonektar
Pierre-Alban C.
17, Normandy, France
Gilitratohan ni Christina Smith
Nabunyagan ko didto sa Ehipto. Nagpuyo kami didto sulod sa pipila ka tuig tungod sa trabaho sa akong amahan. Ang akong lolo ang mibunyag kanako, ug espesyal gayod kadto nga kasinatian. Nabati nako ang Espiritu. Nianang adlawa nabati nako ang suporta sa tanang miyembro sa akong ward, apan ilabi na gikan sa Langitnong Amahan. Nasayod ako nga mihimo ako og maayo nga pagpili.
Walay mga templo sa Ehipto o sa nagpalibot nga mga nasod. Apan sa dihang mibalhin kami sa France, makaadto na ko sa templo sa Switzerland. Sa panahon kini nga wala pa natukod ang Paris France Temple.
Ang unang higayon nga miadto ako sa Bern Switzerland Temple, miadto ako uban sa akong pamilya ug mga higala. Kini nga kasinatian nakahatag kanako og dakong kalipay. Nabati namong tanan ang Espiritu. Nasayod ako nga maayo ang akong gihimo ug nga ang Dios mapasigarbohon sa among buhat. Nasayod ako nga ang templo magdala kanato og daghang panalangin. Kon mogahin kita og panahon sa paghimo sa buhat sa templo alang sa atong mga katigulangan, panalanginan kita sa Langitnong Amahan. Magmalipayon Siya sa unsay atong nahimo alang sa Iyang mga anak diha sa Iyang balay.