“Ang Nag-antos nga Manluluwas,” Alang sa Kalig-on sa mga Kabatan-onan, Abr. 2022.
Pagtulon-an human sa usa ka Pagtulon-an
Ang Nag-antos nga Manluluwas
Usa ka gatos ka tuig sa wala pa si Jesukristo mianhi, napanglantawan ni Isaias ang Iyang pag-antos tungod sa atong mga sala.
gitamay ug gisalikway
Sa dihang mianhi sa yuta si Jesukristo, ang pipila ka mga tawo mituo diha Kaniya, apan ang kadaghanan wala. Gani ubos ang ilang pagtan-aw Kaniya, ug daghan nasilag Kaniya. Sa kataposan, ang mga tawo mipili sa pagpaantos ug pagpatay Kaniya. (Tan-awa sa 1 Nephi 19:9.)
giantos niya ang mga kasakitan nga kita untay angay mag-antos
Gidala ni Jesukristo sa Iyang kaugalingon ang tanan natong mga kasakit, mga balatian, ug mga kahuyang. Siya mibuhat niini aron Siya makabaton og kalooy ngari kanato ug masayod kon unsaon sa pagtabang kanato. (Tan-awa sa Alma 7:11–13.)
gisamaran siya tungod sa atong mga sala
Si Jesukristo nag-antos alang sa atong mga sala. Siya mibuhat niini aron nga kita mahimong mapasaylo kon kita maghinulsol. (Tan-awa sa Doktrina ug mga Pakigsaad 18:11; 19:15–19.)
pinaagi sa iyang mga labod nangaayo kita
Ang “Iyang mga labod” mao ang Iyang mga samad. Kini nagpakita sa tanang pag-antos nga Iyang giantos alang kanato, lakip sa pagpaagas sa Iyang dugo ug sa Iyang kamatayon. Tungod kay si Jesukristo miantos alang kanato, kita mahimong hingpit na usab. Ang Iyang sakripisyo nakapahimo niining posible alang sa atong mga sala aron mapasaylo. Samtang kita maghinulsol ug mosulay sa pagtuman sa atong mga pakigsaad, Siya moayo kanato ug mousab kanato. (Tan-awa sa Mosiah 3:7–11; Artikulo sa Hugot nga Pagtuo 1:3.)