Lig-on nga mga Pundasyon

Serbisyo sa Paghawan sa Niyebe

Pagkahuman nga miuwan og snow sa tibuok adlaw, ang akong kasilinganan natabunan og kapin sa usa ka piye [foot] nga nagkatunaw nga niyebe. Gusto ko nga mag-inusara ug mogahin og panahon sa paghunahuna, busa mihukom ko nga mogawas ug palahan ang mga entradang agianan sa garahe. Nakaila ko og pipila ka tigulang na nga mga biyuda kinsa gustong magpatabang.

Migawas ko ug miadto sa mga balay-balay, gipalahan ang mga entradang agianan sa garahe. Sa kalit lang, gibati nako ang gugma sa atong Langitnong Amahan ug ni Jesukristo. Mipuno kini kanako og paglaom ug sa pagsabot nga bisan sa mga lisod nga panahon, ang tanan mamaayo ra. Akong nasuta nga kon kita nagkinahanglan og tabang sa pagbuntog sa mga pagsulay, usa sa labing maayo nga paagi mao ang pagtabang sa uban. Nakat-onan usab nako nga kon kamo nagbuhat og maayong mga butang, kamo mas dali nga mokapamati sa Espiritu.

Jared L., Washington, USA