“Faamanatu Ia Mama A’ia’i,” Mo le Malosi o le Autalavou, Ape. 2022.
Faavae Maumaututu
Faamanatu ia Mama A‘ia’i
Ata na tusia e Corey Egbert
O le toatele o tagata i la‘u aoga e le tutusa o latou tulaga faatonuina ma a’u. E i ai taimi e mafai ona faigata tele. O le toatele o a‘u uo e faaaogaina gagana masoā ma laei le tauagafau. Sa i ai taimi sa matou o faatasi ai ma i latou ma faia ni filifiliga ou te le mitamita ai.
Ona oo lea i le Kerisimasi, sa tuuina mai e lo‘u tina ia te a’u le mea sa ia ta‘ua o le mama o le mama a’ia‘i. Sa ia fai mai ia te a’u o le mama e mafai ona fesoasoani e faamanatu mai ai ia te a’u e mulimuli i le Faaola ma ia mama i o‘u mafaufauga ma amioga. Sa ou faia le mama ma filifili ai o le a ou sui. Sa amata ona ou faaeteete atili e uiga i upu sa ou faaaogaina ma le ala na fai ai ou ofu. Sa ou faitauina a‘u tusitusiga paia ma ou alu soo i le seminare. Ma sa ou taumafai malosi atu e avea ma se faataitaiga i a‘u uo.
O nisi taimi e fesili mai ai tagata i le aoga ia te a’u e uiga i la‘u mama. Sa ou lagonaina le pei o se tamaitiiti a o faamatala atu i le taimi muamua, ae ua amata ona ou lagonaina le mautinoa i le tele o lo‘u talanoa e uiga i o’u tulaga faatonuina. Ou te lei aveesea lava la‘u mama, ma ou te faia ia mautinoa e iloa e tagata o loo ia te a’u. O le toatele o a‘u uo ua amata ona vaai mai ia te a’u ona ua latou matauina le ala ua ou sui ai.
O le tilotilo i la‘u mama laitiiti e fesoasoani ou te toe foi ai i luga o le ala sa’o ma le vaapiapi, manatua le Faaola, ma avea ma se tagata e mafai ona ou mitamita ai. Ou te iloa o le a faatasi le Alii ma i tatou ma e mafai ona tatou lagonaina Lona faatasi mai a o tatou ola ai i le talalelei, tausia o tatou tulaga faatonuina, ma taumafai ia mama atili i aso taitasi.
Jessie L., Misuri, ISA