Auaunaga i le Kiona

Ina ua uma ona toulu le kiona i le aso atoa, sa ufitia lo‘u pitonuu i le kiona e ova ma le futu. Sa ou manao ia tuuatoatasi ma maua sina taimi e mafaufau ai, o lea sa ou filifili ai e alu i fafo ma kilia auala taavale. Sa ou iloaina nisi o tina matutua ua maliliu a latou tane o e e mafai ona faaaogaina le fesoasoani.

Sa ou alu atu i fafo ma savali mai lea fale i lea fale, ma kilia le kiona mai auala taavale. Na faafuasei lava, ona ou lagonaina le alofa o lo tatou Tama Faalelagi ma Iesu Keriso. Sa faatumulia ai a’u i le faamoemoe ma le malamalamaaga e ui lava ina faigata taimi, ae o le a lelei mea uma. Ua ou iloa afai tatou te manaomia le fesoasoani e faatoilalo ai tofotofoga, o se tasi o auala sili o le fesoasoani lea i isi. Sa ou aoaoina foi afai o e faia ni mea lelei, o le a sili atu ona e taliaina le Agaga.

Jared L., Uosigitone, ISA