“O Le Faamalositino Faaletino ma le Faaleagaga,” Mo le Malosi o le Autalavou, Ape. 2022.
O le Autu ma A’u
Ua faasoa mai e le autalavou le ala o loo latou ola ai i upu o Autu a Tamaitai Talavou ma le Korama a le Perisitua Arona
O Le FaamalositinoFaaletino ma le Faaleagaga
“Ou te taumafai e auauna atu, faatino le faatuatua, salamo, ma faaleleia i aso taitasi.”
Atapue mai le Getty Images
Ina ua lavea lo’u ulu mai le taalo lakapi [faaAmerika], sa amata ona tiga lo’u ulu i aso taitasi. Sa faigata ia te a’u le le taulai atu i le tiga sa ou lagonaina. I se tasi aso sa ou lagonaina ai se uunaiga mai le Agaga Paia e faapea, o le fiafia e le sau mai o tatou tulaga ae mai la tatou taulaiga. Sa ou iloaina o la‘u taulaiga sa i ai pea i o’u tiga nai lo faamanuiaga o aso uma ou te maua mai le Atua.
Sa amata ona ou mafaufau, o le a se isi mea na taofia ai a’u mai le tuputupu a’e faaleagaga? Faatasi ai ma le lotomaualalo sa ou fesili atu ai i le Tama Faalelagi i lenei fesili. Sa ou iloa e le mafai ona ou mauaina e a’u lava ia le tali sa’o, ae o loo i ai i lo tatou Tama Faalelagi tali uma.
O le tali na ou maua sa foliga mai e faigofie lava, ae sa suia i le mea sa ou manaomia: “Alu ese mai le moega ma toe faamalositino.” Sa amata ona ou faamalositino e ui lava i le tiga faifai pea sa ou lagonaina. Sa oo ina ou latalata atili atu i le Atua.
Pe a ou faamalositino, ou te le vaai i taunuuga i le taimi lava lena. Ae afai ou te faaauau pea ona uunaia a’u lava, ou te vaai i se suiga. E faatatau lea mataupu faavae e tasi i le tuputupu a’e faaleagaga. A tatou faitau i tusitusiga paia, atonu tatou te le oo i se suiga vave. Afai tatou te faitauina pea tusitusiga paia ma fai atu ni fesili ma se loto faamaoni, o le a tatou vaaia se eseesega i faamanuiaga tatou te maua ma i lo tatou faatuatua.
Ua tuuina mai e le Atua ia te a’u le tele o le alofa. I le faamalositino faaletino ma le faaleagaga, ou te latalata atili atu ai ia te Ia. O le latalata atu i le Tama Faalelagi o lo‘u faamafanafanaga sili lea ma le ituaiga o filemu. Pe a e tagofia le faamanatuga, ou te valaaulia oe ia taulai atu i le tuputupu a’e faaleagaga e mafai ona e faia i le vaiaso a sau. O le a tuuina atu e le Agaga Paia ia te oe le taitaiga patino e te manaomia.
E alala le tusitala i Netherlands.