Tuusao i le Mataupu

O le a le uiga o le “leai ni atua ese”?

faaali mai le Alii ia Mose

O Le Alii ua Faaali Atu ia Mose, saunia e Wilson J. Ong

Na fetalai mai Iesu “o le poloaiga muamua ma le sili” o le “alofa atu i le Alii lou Atua ma lou loto atoa, ma lou agaga atoa, ma lou manatu atoa” (Mataio 22:37–38). O se vaega o lenei mea o lona uiga ia “leai ni atua ese i [Ona] luma” (Esoto 20:3).

Sa lei finagalo le Alii i Lona nuu e tuuina atu o latou loto, agaga, ma mafaufau i soo se mea e faamuamua ia te Ia. Sa ia lapataia i latou e faapea o le tamaoaiga, uo, ma i latou ua faaipoipoina e mafai ona faalavelave ia i latou mai le taulai atu ia te Ia (tagai Teuteronome 7:3-6; 8:11-14; 13:6). E finagalo le Alii i mafaufauga, manaoga, ma faatinoga a Lona nuu ina ia taialaina e Ia. Na te silafia o le a fesoasoani lenei mea ia i tatou e maua ai le fiafiaga silisili.

O aso nei, ua lapataia i tatou e perofeta e uiga i “atua ese.” Mo se faataitaiga, na saunoa mai Peresitene Dallin H. Oaks, Fesoasoani Muamua i le Au Peresitene Sili:

“O a isi mea e faamuamua o loo ‘tautuaina’ e muamua atu i le Atua … ? Mafaufau i filifiliga nei, e tutusa uma lava i lo tatou lalolagi:

• Tu ma aga faaleaganuu ma faaleaiga

• Faasaoga faaupufai.

• Faamoemoega faalegaluega.

• Meatotino faalelalolagi.

• Sailiga o mea faafiafia.

• Pule, tautaua, ma le mamalu” (konafesi aoao o Oke. 2013 [Ensign po o le Liahona, Nov. 2013, 72]).