Taludtod sa Taludtod

Ang Nagdurusang Tagapagligtas

Daan-daang taon bago pumarito si Jesucristo, nakita ni Isaias ang Kanyang pagdurusa para sa ating mga kasalanan.

Isaias 53:3–5

3 Siya ay hinamak at itinakwil ng mga tao; isang tao ng kalungkutan, at sanay sa hapis; at tayo ay nakubli tulad ng ating pagkubli sa ating mga mukha mula sa kanya; hinamak siya, at hindi natin siya pinahalagahan.

4 Tunay ngang kanyang pinasan ang ating mga dalamhati, at dinala ang ating mga kalungkutan; gayon man ipinalagay natin siyang pinarusahan, binagabag ng Diyos, at pinahirapan.

5 Subalit siya ay nasugatan dahil sa ating mga kasalanan, siya ay nabugbog dahil sa ating mga kasamaan; ang parusa ng ating kapayapaan ay nasa kanya; at sa pamamagitan ng kanyang mga latay tayo ay gumaling.

hinamak at itinakwil

Nang pumarito si Jesucristo sa lupa, may ilang taong naniwala sa Kanya, pero karamihan ay hindi naniwala. Siya ay hinamak pa nila, at marami ang napoot sa Kanya. Sa huli, pinili ng mga tao na pahirapan Siya at patayin. (Tingnan sa 1 Nephi 19:9.)

kanyang pinasan ang ating mga dalamhati

Inako ni Jesucristo ang lahat ng ating pasakit, karamdaman, at kahinaan. Ginawa Niya ito upang mahabag Siya sa atin at malaman kung paano tayo tutulungan. (Tingnan sa Alma 7:11–13.)

siya ay nasugatan dahil sa ating mga kasalanan.

Si Jesucristo ay nagdusa para sa ating mga kasalanan. Ginawa Niya ito upang mapatawad tayo kapag nagsisi tayo. (Tingnan sa Doktrina at mga Tipan 18:11; 19:15–19.)

sa pamamagitan ng kanyang mga latay tayo ay gumaling

Ang “Kaniyang mga latay” ay ang Kanyang mga sugat. Ang mga ito ay tanda ng lahat ng pagdurusang tiniis Niya para sa atin, pati na ang pagbuhos ng Kanyang dugo at Kanyang kamatayan. Dahil si Jesucristo ay nagdusa para sa atin, maaari tayong gumaling muli. Ginagawang posible ng Kanyang sakripisyo na mapatawad ang ating mga kasalanan. Kapag nagsisisi tayo at nagsisikap na tuparin ang ating mga tipan, pinagagaling at binabago Niya tayo. (Tingnan sa Mosias 3:7–11; Mga Saligan ng Pananampalataya 1:3.)