“Vunautaka na Kosipeli ni Vakacegu,” Me iSakisaki ni iTabagone, Me 2022.
Soqoni ena Mataka ni Vakarauwai
Vunautaka na Kosipeli ni Sautu
Veitikina lavetaki
Me tekivu mai na koniferedi sa oti, sa toso tikoga na dredre e vuravura. Se vakaleqa tikoga na noda bula na matetaka raraba e vuravura taucoko. Ia oqo sa boloraki o vuravura ena dua na veisaqasaqa. …
Kemuni na taciqu kei na ganequ, na kosipeli i Jisu Karisito e sa gadrevi vakalevu cake sara nikua mai na veigauna sa oti yani. … Au lomana na Turaga ko Jisu Karisito ka vakadinadinataka ni Nona kosipeli sai koya na iwali tudei duadua ga ni bula sautu. …
… Sa noda na itavi tabu me da wasea na kaukauwa kei na sautu i Jisu Karisito vei ira kece era via rogoca ka laiva na Kalou me qaqa duadua ena nodra bula.
Na tamata kecega era cakava na veiyalayalati kei na Kalou sa yalataka mera na dau kauwaitaki ira na tamata ka qaravi ira era vakaleqai. Ka sa rawa ni da tuvakarau me da sauma ni tarogi na “inuinui sa tu vei [keda].” [1 Pita 3:15. …
Nikua au vakadeitaka tale vakaukauwa na nona kerekere na Turaga, na cauravou yadua sara, e bula kilikili, e tu vinaka tu na nona bula me vakavakarau ka lako yani ki kaulotu.
Vei kemuni na yalewa gone ka tu vinaka na nomuni bula, na kaulotu talega e dua na madigi qaqa, ia me na vakatau ga, vei kemuni. …
… Keitou kidavaki ira talega na veiwatini tabaqase me ra kaulotu talega kevaka e veiganiti ki na kedra ituvaki. …
O irataucoko na daukaulotu era vakatavulica ka vakadinadinataka na iVakabula. Na butobuto vakayalo e vuravura sa vakavuna me gadrevi vakalevu cake kina na rarama i Jisu Karisito. Na tamata kece sara e dodonu me kila na kosipeli vakalesui mai i Jisu Karisito.