“Sa O Keda Na Lotu i Jisu Karisito ni Yalododonu Edaidai,” Me iSakisaki ni iTabagone, Me 2022.
Soqoni ena Mataka ni Vakarauwai
Sa O Keda Na Lotu i Jisu Karisito ni Yalododonu Edaidai
Veitikina lavetaki
Ni oti na noqu ciqoma na veisureti meu “lako mai ka raica,” [Joni 1:46], Au a tiko ena imatai ni noqu soqoni ni Lotu i Jisu Karisito ni Yalododonu Edaidai niu sa yabaki 26, Keirau se qai veibiu oti toka kei na imatai ni watiqu. A dua kina na luvequ tagane yabaki tolu. Kau a vakila na rere ni sa vakamalumalumutaki au. Noqu curu yani ena loma ni valenilotu, e vakasinaiti au e dua na yalo vinaka niu vakila na nodra vakabauta kei na nodra marau o ira era tu wavoliti au.
Kemuni na wekaqu tisaipeli i Karisito, me da kakua ni beca na cakacaka veivakurabuitaki e cakava tiko na Turaga ena vukuda, na Nona Lotu, se mani vakacava na noda malumalumu. Eso na gauna eda dau soli ka, ka so na gauna eda na taura na ka, ia eda dua vata kece ena vuvale i Karisito. …
… Na Lotu e sega walega ni kena vei valenilotu kei na ituvatuva vakaliuliu ni lotu, na Lotu sa o keda, na lewena. Sa o Keda na Lotu i Jisu Karisito ni Yalododonu Edaidai, o Karisito e Ulu ni lotu kei na parofita e Gusuna vei keda. …
Na noda inaki ena Nona matanitu e dodonu me kauti keda vata mai vei Karisito. …
Mai na dua na gonetagane lailai e sauma na nona ikatini ena vakabauta, ki vua e dua na tina duadua e gadreva na veivakaukauwataki kei na loloma cecere ni Kalou, ki vua e dua na tama ka vakasaqara voli na gaunisala me na veivakarautaki kina vua na nona vuvale, kei ira na noda qase e liu na nodra gadreva na cakacaka vakalotu ni veivakabulai kei na bula vakacerecerei, kivei keda yadua eda vakavouia tiko na noda veiyalayalati vua na Kalou ena veimacawa, eda na veikauti vata mai ki na veivakabulai veivueti ni iVakabula.