“Me Vakabulai ko Vuravura,” Me iSakisaki ni iTabagone, Me 2022.
Soqoni ena Mataka ni Sigatabu
Me Vakabulai ko Vuravura
Veitikina lavetaki
Na cava na galala vakalotu?
Sai koya na galala ni sokalou ena kena veigacagaca kece sara: na galala ni soqoni, galala ni vosa, galala me da cakacakataka na vakabauta ni tamata yadua, kei na galala me ra vakayacora vakakina na tamata. Na galala vakalotu e rawa kina vei keda yadua me da vakatulewa vakataki keda ena veika eda vakabauta, na ivakarau ni noda bula ka cakacakataka me vaka na noda vakabauta, kei na veika e namaka vei keda na Kalou. …
Ena loma ni veilecayaki ena 1842, a tabaka o Josefa Simici e 13 na ivakavuvuli bibi ni Lotu sa tubucake tiko, oka kina na kena oqo: “Keimami kaya ni dodonu me soli na galala ni sokalou vua na Kalou Kaukauwa me vaka na lewa ni lomada, ka me soli ki na tamata kecega na galala vata oqo, me ra sokalou ena kena ivakarau, ena vanua, se ki na cava ga era vinakata” [Yavu ni Vakabauta 1:11].
Na nona itukutuku e veicokonaki, veisereki, ka veidokai. Oqori na gacagaca cecere ni galala vakalotu. …
Raica vata mada kei au e va na sala ena yaga kina vei ira na lewenivanua kei na tamata yadua na galala vakalotu.
iMatai. Na galala vakalotu e doka na imatai kei na ikarua ni ivunau levu, sa yaco kina na Kalou me itakele ni noda bula. …
iKarua. Na bula galala vakalotu e tara cake na vakaraitaki ni vakabauta, inuinui, kei na vakacegu. …
iKatolu. Na lotu e vakauqeti ira na tamata me ra vukei ira na tamata. …
Kei na ikava. Na galala vakalotu sa dua na kaukauwa veivakaduavatataki kei na cakacaka vata ni kena bulivou na yavunibula kei na bula savasava. …
Au sureti kemuni mo ni vakaliuca tiko na inaki ni galala vakalotu. Sa ivakaraitaki ni ivakavuvuli ni galala ni digidigi mai vua na Kalou.