“Na Veiyalayalati kei na Kalou e Vaqaqacotaka, Taqomaka, ka Vakarautaki Keda ki na Lagilagi Tawamudu,” Me iSakisaki ni iTabagone, Me 2022.
Soqoni ni Marama
Na Veiyalayalati kei na Kalou e Vaqaqacotaka, Taqomaka, ka Vakarautaki Keda ki na Lagilagi Tawamudu
Veitikina lavetaki
O sa bau tucake mada ena dua na barinisavu cecere ka titeqe toka ena batini barinisavu ka vakanadaku yani ena qara qiqo balavu e ra? Ena sirodali, e dina ga ni o sa semati dei tu ki na dua na ivakarau kaukauwa ni dali kei na iyaya e rawa ni kauti iko ki na veitaqomaki, na tucake tu ena batibati ni barinisavu e vakatatuki uto. Na kalawa ki muri ena barinisavu kei na lili yani e maliwa lala e gadrevi kina na vakararavi ki na dua na iyaqa e ikeletaki vinaka tu ki na dua na ka sega ni yavalati rawa. E gadrevi kina na vakararavi vua na tamata ena raica me kaukauwa vinaka na dali ni ko sa siro sobu yani. …
Na iyaya vakayalo e tarovi keda meda vorolaki ena veivatuvatu ni veika dredre sai koya na noda ivakadinadina baleti Jisu Karisito kei na veiyalayalati eda cakava. E rawa ni da vakararavi ki na itokoni oqo me tuberi keda ka kauti keda yani ki na veitaqomaki. Ni sa noda itokani lomasoli, na iVakabula ena sega ni vakatarai keda meda lakotani mai na Nona veivueti. …
E sega tale ni dua na ka e bibi cake ena noda torocake tawamudu mai na noda rokova na noda veiyalayalati kei na Kalou. …
Au vakadinadinataka ni gauna eda digitaka kina me da veiyalayalati kei na Tamada Vakalomalagi ka rawata na kaukauwa ni iVakabula me da maroroya, eda na vakalougatataki ena marau levu cake ena bula oqo mai na kena eda rawa ni vakasamataka ena gauna oqo kei na dua na bula tawamudu lagilagi ena muri mai.