“Oqo na Kena Gauna,” Me iSakisaki ni iTabagone, Me 2022.
Soqoni ena Yakavi ni Sigatabu
Oqo na Kena Gauna
Veitikina lavetaki
Sa dau veilecayaki tu ga na veisiga ni mataka. E dau veisau na draki. E sega ni dau tudei na cowiri ni bula vakailavo. Na tavuki ni vanua, vakacalaka, kei na tauvimate e rawa ni veisautaka vakatotolo na bula. Na ivalavala vakaoqo e vakalevu ga ena kena eda sega ni lewa rawa. Ia e tiko eso na ka eda rawa ni lewa, oka kina na sala eda vakayagataka kina na noda gauna e veisiga. …
Io, e dodonu meda vuli mai na veika sa oti, io, meda vakavakarau ki na veisiga ni mataka. Ia ena gauna ga oqo sa rawa meda cakava. Oqo na kena gauna eda rawa ni vuli kina. Oqo na kena gauna eda rawa ni veivutuni kina. Oqo na kena gauna eda rawa ni vakalougatataki ira kina na tamata ka “laveta cake na liga sa wadamele” [Iperiu12:12]. …
… Au tokaruataka na noqu veivakamasuti mai na mataka nikua meu cakava na veika ena vakalevutaka na nomu bulabula vinaka vakayalo, na veilaveti a tukuna tiko o Elder Dieter F. Uchtdorf, ka na tosoi iko tikoga ki liu ena veibolebole kei na madigi cava ga ena yaco mai.
Ena tubu cake na bulabula vinaka vakayalo ni da sokalou e valetabu ka tubucake ena noda kila deivaki na rabailevu kei na titobu ni veivakalougatataki eda ciqoma e kea. Au sa vakamasuti kemuni mo ni vakasaqara na sala vakavuravura ena nomuni vakanamata tiko ki na veivakalougatataki tawamudu ni valetabu. …
Au lomani kemuni, taciqu kei na ganequ lomani. E bibi cake sara, ni lomani iko na Turaga. O koya na nomu iVakabula ka nomu Dauveivueti. E liutaka ka dusimaka tiko na Nona Lotu. Me da sa qai tamata kilikili ni Turaga, ka kaya, “Dou na noqu tamata, ia kau na yaco meu nomudou Kalou” [Jeremaia 30:22].