“Na Kaukauwa ni Bulabula Vakayalo,” Me iSakisaki ni iTabagone, Me 2022.
Soqoni ena Mataka ni Sigatabu
Na Kaukauwa ni Bulabula Vakayalo
Veitikina lavetaki
Na bulabula vinaka e dua na ivakavuvuli qaqa. …
Nikua, au vinakata meu vakatura e lima na ivalavala matata e rawa ni da taura me vukea noda maroroya na bulabula vinaka vakayalo.
iMatai: Gole ki na salatu ni veiyalayalati ka tiko ga e kea.…
… Na salatu ni veiyalayalati sai koya duadua ga na salatu e veimuataki ki na bula vakacerecerei kei na bula tawamudu.
Kunea na reki ni veivutuni e veisiga. …
… Na veivutuni sa idola ki na tubu vakayalo. Na vakabauta savasava ena tosoi keda ki liu ena salatu ni veiyalayalati.
Yalovinaka kakua ni rere se vakaberaberataka na veivutuni. …
Na ikatolu ni noqu vakatutu: Vulica na veika me baleta na Kalou kei na sala e cakacaka kina o Koya.…
… Na iwali ni veicavilaki nei Setani e matata: Eda gadreva meda cakava e veisiga na noda sokalou vua na Turaga ka vulica na Nona kosipeli. …
Vakatutu naba 4: Vakasaqara ka namaka na cakamana.…
… E vica na ka ena toroya cake vakatotolo na nomu bulabula vakayalo mai na nomu kila ni sa vukei iko tiko na Turaga mo tosoya e dua na ulunivanua ena nomu bula.
Vakatutu naba 5: Tinia na veisaqasaqa ena nomu bula vakai iko.…
… Cakacakataka mo yalomalumalumu, yaloqaqa, kei na kaukauwa e gadrevi ruarua mo veivosoti ka vakasaqara mo vosoti. …
… Kevaka e vaka me dredre na veivosoti ena gauna oqo, kerea na kaukauwa ena dra ni veisorovaki i Jisu Karisito me vukei iko. Ni o vakayacora vakakina, au yalataka vei iko na vakacegu kei na veisemati ni bulabula vakayalo. …
Ni o cakacakataka na sasaga oqo, au yalataka vei iko na nomu rawa ni toso ki liu ena salatu ni veiyalayalati ka toso cake tiko na bulabula, se cava ga na veivakataotaki o sotava. Kau sa yalataka vei kemuni na kaukauwa levu cake mo ni vorata na veitemaki, na vakacegu vakalevu ni vakasama, na galala mai na rere, kei na duavata levu cake ena nomuni matavuvale.