“Tudei ena Cava,” Me iSakisaki ni iTabagone, Me 2022.
Soqoni ena Mataka ni Vakarauwai
Tudei ena Cava
Veitikina lavetaki
Kivei keda o ni kauwataki keda tiko vata kei ira eda lomana, sa tiko na vakanuinui ena yalayala sa cakava tu na Kalou ena vanua ni tataqomaki ni cava sa tu mai liu. …
Na vosa vakaparofita i Penijamini na Tui sa yaco tu vei keda ena gauna oqo. …
E sa sureti ira na nona tamata kei keda meda taracake ena vatu taqomaki dei duaduaga, oya na iVakabula. E a vakamatatataka ni da sa galala meda digitaka na dina se cala ka na sega ni rawa tu ni da levea na isau ni noda digidigi. …
Sa veisau na keda ituvaki me vaka na gone lailai, talairawarawa vua na Kalou ka loloma vakalevu cake. Na veisau oya ena vakatarai keda meda marautaka na veisolisoli e vakavurea na Yalo Tabu. Ni sa noda itokani na Yalotabu eda na vakacegui, tuberi, ka vaqaqacotaki mai vua. …
Ni sa basika na cava ni bula, sa rawa ni o dei tu baleta ni o sa duri tiko ena vatu ni nomu vakabauti Jisu Karisito. Na vakabauta oqori ena muataki iko ki na veivutuni kei na maroroi tu ni veiyalayalati e veisiga. O na qai dau nanumi Koya tikoga. Ia mai na cava ni veicacati kei na cakaca, ko na tudei tu ka vakanuinui. …
… Me vaka na gone yalomalua ka dauloloma, mo ciqoma na Nona veivuke. Cakava ka maroroya na veiyalayalati e dolea tu ena Lotu i Jisu Karisito ni Yalododonu Edaidai. Era na vaqaqacotaki iko. Sa kila tu na iVakabula na cava kei na vanua eso ni tataqomaki ena sala lesu i vale ki Vua kei na Tamada Vakalomalagi. E kila o Koya na sala. Sai Koya na Sala.