“Saumaki ki na Lewa ni Kalou,” Me iSakisaki ni iTabagone, Me 2022.
Soqoni ena Yakavi ni Vakarauwai
Saumaki ki na Lewa ni Kalou
Veitikina lavetaki
Ena gauna kece ni bula ni veiqaravi kei na veika sotavi vakayalo, au kila ni saumaki dina e vua ni ciqomi ena yalo taucoko na lewa ni Kalou, ka rawa ni da dusimaki ena noda ivalavala mai vua na Yalo Tabu. …
Na itavi cava so e drodro mai na saumaki? …
… E sureti keda ena loloma na iVakabula meda sa Domona ka Ligana. Na loloma ni iVakabula sa idusidusi ni rarama vei keda. A vakatavulici ira Nona tisaipeli na iVakabula, “O koya mo dou qai lako, ka vakalotutaki ira na lewe ni veivanua kecega.” [Maciu 28:19]. Ia vei Josefa Simici, a tukuna o Koya, “Vunautaka na noqu kosipeli vei ira na tamata kecega era se bera ni ciqoma.” [Vunau kei na Veiyalayalati 112:28]. …
Me yaco me tiki ni noda bula na ivakaro ni iVakabula me da wasea na kosipeli, ena gadrevi meda saumaki ki na lewa ni Kalou; eda gadreva meda lomani ira na wekada, wasea na kosipeli vakalesuimai i Jisu Karisito, ka sureta na tamata kecega mera mai raica. …
Na noda saumaki mai vaka tamata yadua e oka kina na itavi meda wasea na kosipeli i Jisu Karisito ki vuravura.
Na veivakalougatataki ni wasei ni kosipeli e oka kina na noda vakatubura noda saumaki ki na lewa ni Kalou ka laiva me qaqa tikoga na Kalou ena noda bula. Eda vakalougatataki ira na tamata mera vakila e dua na “veisau levu” ni lomadra.” [Alama 5:14]. E dau tiko dina na reki tawamudu ena veivukei me kau mai na yalo vei Karisito. Na cakacakataki me saumaki mai e dua kei ira na tamata e sa itavi vakaturaga.