“Ia Keimami a Sega Ga ni Kauwaitaki Ira,” Me iSakisaki ni iTabagone, Me 2022.
Soqoni ena Mataka ni Vakarauwai
Ia Keimami a Sega Ga ni Kauwaitaki Ira (1 Nifai 8:33)
Veitikina lavetaki
Na vosa na kauwaitaka e vakatura tiko mo galeleta se vakarorogo matua kivua e dua se ki na dua na ka. …
Na ivunau i Karisito ni volai “ena Yalo ni Kalou bula … e na dela ni [yaloda] sa malumu” [2 Korinica 3:3] e toroya cake noda rawa ni “sega ni kauwaitaka” na veivakasesei, veivakalialiai, kei na veivagolei tani e vuqa ena noda vuravura lutu tani oqo. …
Na bulataki kei na lomani ni inaki dei ni veiyalayalati e bulia e dua na isema vata kei na Turaga e sa titobu sara vaka tamata yadua ka kaukauwa vakayalo. …
Na noda isema vakaveiyalayalati kei na Kalou kei Jisu Karisito sa ikoya na sala eda rawa ni ciqoma kina na rawa‑ka kei na kaukauwa me da “sega ni kauwaitaka.” Ka na vakaukauwataki na ivau oqo ni da taura matua tikoga na itautauri kaukamea. …
Meu vakatura mada ni tautauri matua ki na vosa ni Kalou e okata na (1) nanumi, rokovi, kei na vaqaqacotaki ni noda isema vakatamata yadua kei na iVakabula kei Tamana ena veiyalayalati kei na cakacaka vakalotu ni kosipeli vakalesuimai, kei na (2) na vakayagataki tudei ena masumasu kei na gugumatua ni ivolanikalou tabu kei na ivakavuvuli ni parofita kei na iapositolo bula vaka ivurevure dei ni dina vakatakilai mai. …
Toso tikoga. Taura matua. Kakua ni kauwaitaka.
Au vakadinadinataka ni yalodina ki na veiyalayalati kei na cakacaka vakalotu ni kosipeli vakalesuimai ni iVakabula ena vukei keda me da toso tikoga ena cakacaka ni Turaga, me da tauri Koya matua ni sa Vosa ni Kalou, ka me da sega ni kauwaitaka na veiveretaki ni vuni ca.