“Na Loloma Vakalou ena iTuvatuva ni Tamada,” Me iSakisaki ni iTabagone, Me 2022.
Soqoni ena Yakavi ni Sigatabu
Na Loloma Vakalou ena iTuvatuva ni Tamada
Veitikina lavetaki
Ena Lotu i Jisu Karisito ni Yalododonu Edaidai sa vakalesuimai, eda sa kila vakavinaka sara kina na ituvatuva nei Tamada Vakalomalagi. Oqo e solia vei keda e dua na sala duidui meda raica kina na inaki ni bula oqo, na lewa vakalou e muria mai, kei na kedra icavacava lagilagi na luve ni Kalou taucoko. …
… Na ivunau vakatakilai mai ni Lotu i Jisu Karisito sa vakalesui mai e vakatavulica ni o ira kece na luve ni Kalou—ena veika e yalani kina sega ni vakadeitaki eke—era na qai yaco ga yani ki na dua na matanitu lagilagi. …
… Na kena e cecere duadua vei ira oqo na bula vakacerecerei ena matanitu vakasilesitieli, o koya eda na yaco kina me da vaka na Tamada kei na Luvena, o Jisu Karisito. …
… Na ilesilesi ni Lotu vakalesuimai oya me vukei ira kece na luve ni Kalou me ra rawata na veika e gadreva na Kalou me nodra icavacava cecere duadua. …
Na kena bibi vei keda sai koya na ivakatakila ni Kalou ni bula vakacerecerei ena rawa duadua ga ena yalodina ki na veiyalayalati ni vakamau tawamudu ni dua na tagane kei na yalewa. Na ivunau vakalou oya na vuna eda vakavulica kina ni “tagane se yalewa sa dua na tiki bibi ni keda ivakatakilakila kei na inaki ni bula taumada, bula oqo, kei na tawamudu” [“Na Matavuvale: Ai Vakaro ki Vuravura Raraba,” ChurchofJesusChrist.org]. …
… Keitou vakadeitaka ni ivakaro ni matavuvale, yavutaki ena ivunau sega ni vakacalai rawa, e vakamacalataka na mataqali veimaliwai vakamatavuvale e rawa ni yaco kina na tiki bibi duadua ni noda vakatorocaketaki tawamudu. …
… E dodonu meda vakasaqara meda wasea na dina oqo ni veigauna tawamudu vei ira na tani. Ia ena loloma eda sa dinau tu kina vei ira kece na wekada, eda dau ciqoma na nodra vakatulewa. Me vaka e vakavuvulitaka e dua na parofita ni iVola i Momani, e dodonu me da toso tikoga ki liu, ka “lomana na Kalou kei ira na tamata kecega” [2 Nifai 31:20].