“Lesoni ena Tobu ni Wai,” Me iSakisaki ni iTabagone, Me 2022.
Soqoni ni Marama
Lesoni ena Tobu ni Wai
Veitikina lavetaki
Au vinakata meu wasea vei kemuni e tolu na lesoni au sa vulica tiko niu tomana tiko noqu gunu mai na “wai ni bula” ni [iVakabula] [Joni 4:10].
iMatai: Na Noda Veigauna Sa Oti kei na Gauna Oqo e Sega ni Vakatulewataka Noda Veisiga ni Mataka …
Vakasamataka mada na yalewa ena tobu ni wai. …
A yaco o yalewa me dua na ivakadinadina kaukauwa, ka tukuna vei ira ena nona koro ni o Jisu na Karisito. “A ra sa lewevuqa na kai Samaria ena koro ko ya era sa vakabauti koya ena vuku ni nona vosa na yalewa” [Joni 4:39].
Na veika a cakava e liu kei na kena ena gauna oya a sega ni vakatulewataka na nona veisiga ni mataka. Me vakataki koya, sa rawa ni da digitaka me da gole vua na iVakabula nikua meda kaukauwa ka vakabulai ka meda vakayacora kece na veika kece eda a talai mai kina eke me da mai cakava.
iKarua: Sa Tu Vei Keda na Kaukauwa [Vunau kei na Veiyalayalati 58:28] …
Kemuni na marama, sa tu vei keda na kaukauwa meda vakayacora kina na ivalavala dodonu e vuqa! …
iKatolu: “Ia ena tubu mai ena veika lalai na veika cecere” [Vunau kei na Veiyalayalati 64:33] …
Kemuni na marama, e rawa ni veisau na yalo ka vakalougatataki na bula ni da solia e dua na ikini masima, e dua na itaki ni leveni, kei na dua na rarama.
Au vakadinadinataka ni iVakabula e masima ena noda bula, ka sureti keda meda tovolea na Nona reki kei na loloma. Sai Koya na leveni ni sa dredre na noda bula, ka kauta mai vei keda na inuinui ka laveta na noda icolacola ena Nona kaukauwa sega ni vakatauvatani rawa kei na loloma veivueti. Sai Koya na noda rarama, ka vakararamataka na noda sala lesu ki vale.