“Loloma, Wasea, Sureta,” Me iSakisaki ni iTabagone, Me 2022.
Soqoni ena Mataka ni Sigatabu
Loloma, Wasea, Sureta
Veitikina lavetaki
O ira na lewe ni Lotu taumada, mai vei ira na ka vou duadua kivei ira sa gugumatua tiko, era a vakaitavi ena nona ilesilesi cecere na iVakabula, wasea na itukutuku vinaka ni kosipeli vei ira era sotava ka kila. …
O keda talega, me vaka ni da tisaipeli i Karisito, eda sa sureti me da muria na Nona ilesilesi nikua. …
… Eda vakavinavinaka, ni nona ilesilesi cecere na iVakabula e rawa ni vakataucokotaki mai na ivakavuvuli rawarawa, rawarawa me vakavulici vei keda yadua mai na gauna ni gone: na loloma, veiwasei, kei na veisureti. …
Na imatai ni ka eda rawa ni cakava oya na loloma me vaka na loloma i Karisito. …
Ena gauna ga eda vakaraitaka kina na loloma va-Karisito vei ira na wekada, eda sa vunautaka tiko na kosipeli—kevaka sara mada ga eda sega ni voqataka e dua ga na vosa. …
Na noda inuinui, e dina, ni ra na ciqoma na noda loloma kei na noda itukutuku, e dina ga ni veika era na cakava lesu mai e sega kina na noda lewa. …
Na ikarua ni ka eda rawa ni cakava oya meda wasea. …
Eda na veiwasei vata kece kei ira tale eso. …
Eda na vakuria vakacava na veika eda sa wasea oti ki na veika eda taleitaka kina na kosipeli i Jisu Karisito? …
Na ikatolu ni ka o rawa ni cakava o ya mo veisureti. …
E drau na veisureti eda rawa ni solia yani vei ira na ta,mata. Eda rawa ni sureti ira mai eso mera “lako mai ka raica.”…
Au sureti kemuni mo ni vakasamataka na sala eso mo ni loloma, veiwasei, ka veisureti kina. Ni ko vakayacora oqo, ko na vakila na yalo ni reki ka kila ni ko sa muria tiko na vosa ni noda iVakabula lomani.