“Nomu iYaubula Vakalou kei na iCavacava Tawamudu,” Me iSakisaki ni iTabagone, Me 2022.
Soqoni ni Marama
Nomu iYaubula Vakalou kei na iCavacava Tawamudu
Veitikina lavetaki
Na ivunau bibi e vakavulici ena itoko ni Goneyalewa e sa ka bibi vei ira na goneyalewa, ia e ganita na tamata kecega. …
… Taumada, o iko na luvena yalewa lomani. E sega ni dua na ka o cakava—se sega ni cakava—e rawa ni veisautaka oya. E lomani iko na Kalou. …
Na ikarua ni dina oya ni tiko na noda itubutubu vakalomalagi, dua na tamada kei na dua na tinada. …
Na ikatolu ni ka dina ena imatai ni parakaravu ni iToko ni Goneyalewa sai koya na noda “bula vakalou.” Oqo e tiki sara ga ni noda bula. Sai koya na “dra vakawa,” eda taukena maivei rau na noda itubutubu vakalomalagi. …
Na ikava ni dina sai koya ni dua na keda “icavacava tawamudu.” …
… E tu na noda galala ni digidigi, ia eda sega ni rawa ni digitaka na revurevu ni noda sega ni muria na salatu sa vakatakilai mai. …
Ni da sa veivutuni vakaidina, sa sega tale na mawe ni mavoa vakayalo, veitalia na veika eda sa cakava, se vakacava na kena ca, se na levu ni gauna eda cakava kina. Na levu ga ni gauna eda veivutuni kina ka segata vakaidina na veivosoti, sa rawa ni da vosoti. …
… Na kaukauwa e lako mai ena vakabauti Jisu Karisito kei na cakava na veiyalayalati tabu.
… Ni da maroroya na noda veiyalayalati, eda na ciqoma na kaukauwa ni Kalou ena noda bula.
… E vinakata na Tamada Vakalomalagi mo Kena isosomi ka ciqoma na veika kece e Nona. E sega ni rawa Vua me solia vei iko e levu cake. E sega ni rawa Vua me yalataka vei iko e levu cake. E lomani iko vakalevu cake mai na veika o kila ka vinakata mo marau ena bula oqo vakakina ena bula sa bera mai.