“Na Veiqaravi ni Kaulotu e Vakalougatataka Tawamudu na Noqu Bula,” Me iSakisaki ni iTabagone, Me 2022.
Soqoni ena Mataka ni Vakarauwai
Na Veiqaravi ni Kaulotu e Vakalougatataka Tawamudu na Noqu Bula
Veitikina lavetaki
Niu raica lesu na noqu bula, au rawa ni raica na veika a sotavi eso ka a caka veisau vakasakiti sara. E dua vei ira na ka au sotava oya na kena vakalougatataka na noqu bula ka viria na noqu icavacava vakayalo na noqu kaulotu vaka cauravou ki Igiladi. …
Na noqu veiqaravi ni kaulotu e vakarautaki au meu dua na tagane vakawati vinaka ka tama ka gumatua ena bisinisi. A vakarautaki au talega ki na veiqaravi ena bula taucoko vua na Turaga ena Nona Lotu. …
Sa kilai iko tiko na Turaga. Ni ko sa qarava tiko nomu kaulotu, ena yaco vei iko mo sotava na veika eso ka na vukei iko mo kilai Koya vakavinaka cake. …
Me vaka niu dua na iApositolo ni Turaga o Jisu Karisito, au sa kacivi kemuni kina na cauravou nikua—kei kemuni na goneyalewa o ni gadreva tu mo ni laki kaulotu—mo ni tekivu veitalanoa kei rau na nomuni itubutubu ena gauna oqo me baleta na kaulotu. Au sureti kemuni talega mo ni veitalanoa kei ira na nomuni itokani me baleta na kaulotu, kevaka e dua vei ira na nomuni itokani e sega ni vakadeitaka me baleta na veiqaravi, vakayaloqaqataki ira me ra veitalanoa vata kei na nodra bisopi.
Yalataka vei iko kei na Tamamu Vakalomalagi ni ko na laki kaulotu ka mai na gauna oqo ka lako yani ko ni na segata mo ni maroroya tiko na yalomuni, ligamuni, kei na nomuni vakasama me savasava ka kilikili. Au sureti kemuni mo ni taukena e dua na ivakadinadina ni kosipeli vakalesui mai i Jisu Karisito. …
Sa noqu masu ni o kemuni na cauravou kei na goneyalewa kei na nomuni itubutubu o ni na raica ka kila na sala ena vakalougatataka kina na nomuni bula na veiqaravi vakadaukaulotu.